1 YUHANIS 3:23 - PEJANJIAN EMPAI CERITAU ILUAK

²³ Ini diau diperintaka Allah: Kitau mesti percayau ngan Ana'Au Yesus Keristus. Kitau pulau mesti sangi sayangi, luak la diajung Keristus.

1 YUHANIS 3:23 Referans Kwoze

YUHANIS 13:34

Aku ngiciakka perinta empai ngan kamu: Kamu sangi sayangila sughang ngan diau lain. Aku la nyayangi kamu. Luak itula pulau kamu mesti sangi sayangi.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

YUHANIS 15:12

Inila perintaKu: Kamu mesti sangi sayangi, luak Aku la nyayangi kamu.

YUHANIS 6:29

Yesus nimbal, “Inila diau dikenda'i Allah ngan kapu dighi: Percayaula ngan Aku diau diajung Allah.”

1 PITRUS 4:8

Diau penting sekali, kamu mesti sangi sayangi nian, karnau amun kamu sangi sayangi, kamu sukau pulau sangi ma'apka.

1 YUHANIS 3:11

Jak di senitu la dikiciakka ngan kamu pesan ini: Kamu mesti sangi sayangi.

1 YUHANIS 4:21

Mangku perinta inila dienjuakka Tuhan ngan kitau: Jemau diau nyayangi Allah, mesti nyayangi kantinau pulau.

1 TESALUNIKA 4:9

Nidau nanti kami nulis agi ngan kamu ceritau nyayangi kantin seagamau. Kamuni la diajaghi Allah sangi sayangi.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

MARKUS 9:7

Mangku adau aban mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Dengaghkala Diautu.”

MATIUS 22:39

Mangku perinta diau keduau, diau semegi ngan diau tadi: Sayangila jemau lain luak kaba nyayangi diri kaba.

RASUL 16:31

Ughang duautu nimbal, “Percayaula ngan Tuhan Yesus, mangku dighi selamat, dighi seghuma ka selamat galau.”

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 14:1

“Janganla kamu temas.” Katau Yesus, “Percayaula ngan Allah, percayaula pulau ngan Aku.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

YUHANIS 1:12

Mangku bilang jemau diau nerimauNyau ngan percayau ngan Diau, dienjuakkaNyau hak njadi anak Allah.

YUHANIS 2:23

Penarau Yesus di Yerusalim selamau aghi rerayau Paska, banyak jemau percayau ngan Diau, karnau la nginak tandau-tandau diau dikerjaukaNyau.

YUHANIS 3:18

Jemau diau percayau ngan Diau nidau ka diukum. Anyautu jemau diau nidau percayau la diukum Allah, karnau diau nidau percayau ngan Anak Allah diau gi sughang itula.

1 YUHANIS 2:7

Kantin-kantinku diau kusayangi. Diau kutulis itu ukan perinta diau empai, tapitu perinta diau lamau diau la dikiciakka ngan kamu jak di senitu. Perinta itu katau Allah diau la kamu dengagh.

1 YUHANIS 4:15

Amun jemau ngaku'i Yesus itu Anak Allah, Allah idup seghundak ngan diau, diau seghundak ngan Allah.

1 YUHANIS 5:13

Gegalaunyautu kutuliska ngan kamu diau percayau ngan Anak Allah, supayau kamu keruan, bansau kamu la bulia idup sejati selelamaunyau.