1 YUHANIS 1:9 - PEJANJIAN EMPAI CERITAU ILUAK

⁹ Anyautu amun kitau ngaku'i gegalau dusau kitau ngan Allah, Diau ka nepati janjiAu ngan ngerjauka setu diau adil, mangku Diau ka ngabiska dusau kitau ngan mbasua kitau jak di gegalau perembak diau ja'at.

1 YUHANIS 1:9 Referans Kwoze

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

RASUL 19:18

Banyak jemau diau la percayau ngan Yesus datang ngaku'i di mukau jemau banyak setu diau la dikerjaukaNyau.

MARKUS 1:5

Jemau jak di gegalau Yudia ngan gegalau jemau Yerusalim datang njenguak diau. Ughangtu ngaku'i dusaunyau mangku dibaptis di ayiak Yurdan.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.

IBRANI 11:11

Karnau percayau, diautu ngan Sara adau anak, empuak ughang duautu la tuau nian. Diautu percayau nian, bansau Allah ka nepati janjiAu padau masaunyau.

MATIUS 3:6

Ughangtu ngaku'i dusau-dusaunyau mangku dibaptis Yuhanis di ayiak Yurdan.

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

RUM 3:26

Mbak kini Diau nidau agi ngenangka perembak jemau, anyautu Diau endak seilu'an ngan jemau. Ngan carau itu Diau nyatauka, bansau Diautu benagh ngan pulau mbenaghka jemau diau percayau ngan Yesus.

YUHANIS 17:25

Bak diau adil, deniau nidau keruan Dighi, anyautu Aku keruan Dighi ngan ughangtu keruan, bansau Dighitu ngajung Aku.

LUKAS 22:57

Pitrus nidau ngaku'iNyau, kataunyau, “Ukan, aku endiak keruan Jemau itu.”