1 YUHANIS 1:6 - PEJANJIAN EMPAI CERITAU ILUAK

⁶ Amun kitau bekatau, bansau kitau idup seghundak ngan Diau, awuak kitau idup dalam keleman, semegi ajau ngan mbu'ung ngan nidau ngerjauka diau benagh.

1 YUHANIS 1:6 Referans Kwoze

1 YUHANIS 4:20

Amun jemau bekatau, “Aku nyayangi Allah”, anyautu luat ngan kantinau, jemautu pembu'ung. Karnau jemau diau nidau nyayangi kantinau diau kina'an, manau ka pacak nyayangi Allah diau nidau kina'an.

1 YUHANIS 2:4

Jemau diau bekatau, “Aku keruan Allah,” anyautu nidau na'ati perintaHau, jemautu pembu'ung, Allah nidau bediau dalam atiau.

1 YUHANIS 1:10

Amun kitau bekatau, bansau kitau nidau bedusau, kitau nganggap Allah pembu'ung, mangku Pirman Allah nidau bediau di ati kitau.

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

YUHANIS 12:35

Katau Yesus agi ngan ughangtu, “Nidau ka lamau agi terang adau guak kapu dighi. Bejalanla empungan terang gi adau di kamu, mangku kapu dighi nidau bejalan di keleman. Jemau diau bejalan di keleman nidau keruan ke manau diau pegi.

YAKUBUS 2:14

Kantin-kantinku, tuapau gunaunyau jemau bekatau, “Aku percayau”, anyautu peremba'au nidau nunjuakkanyau? Apu percayau luak itu pacak nyelamatka?

YUHANIS 12:46

Akuni datang ke deniau ini umpamau terang, mangku bilang jemau diau percayau ngan Aku jangan maju mendam di keleman.

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

YUHANIS 11:10

Jemau diau bejalan aghi malam, tuantuak keting, karnau nidau bediau terang ngan diau.”

YAKUBUS 2:18

Asauku adau diau bekatau, “Kamutu percayau, akuni ngerjauka setu diau iluak.” Aku ka nimbal, “Tunjuakkala ngan aku percayau kamutu nidau bediau setu diau iluak, mangku aku ka nunjuakka ngan kaba percayauku ngan kerjauku diau iluak.”

1 YUHANIS 1:8

Amun kitau bekatau, kitau nidau bedusau, kitau mbudika kitau sendighi, mangku kitau nidau idup seghundak ngan Allah.

YAKUBUS 2:16

mangku amun sughang jak di kamu ngiciakka ngan diau, “Allah iluak ngan kaba. Pakaila baju tebal ngan makanla”, anyautu nidau ngenjuakka ngan diau setu diau ka ngidupkanyau, tuapau gunaunyau?

MATIUS 7:22

Masau aghi kiamat banyak jemau ka bekatau ngan Aku, ‘Tuhan, Tuhan, ngan namau Tuhan kami la ngiciakka katau Allah. Ngan namau Tuhan kami la melaratka iblis. Lagi ngan namau Tuhan kami la banyak mbuat tandau nyelia.’

1 TIMUTIUS 4:2

Ughangtu ditipuka jemau diau mbu'ung ngan ati keci'au la tekatup.

YUHANIS 8:55

Anyautu kapu dighi nidau keruan Diau, tapitu Aku keruan Diau. Misalau Aku ngiciak, bansau Aku nidau keruan Diau, Aku semegi ngan kapu dighi jemau pembu'ung. Aku keruan Diau, mangku Aku nuruti kici'anNyau.