1 YUHANIS 1:2 - PEJANJIAN EMPAI CERITAU ILUAK

² Idup itu la diancakka, kamini la ngina'au, mangku mbak kini kami ngiciakka ceritaunyau. Kami ngiciakka ngan kamu idup ngenianau diau selelamaunyau diau adau ngan Allah Bapak. Idup itu la diancakka ngan kami.

1 YUHANIS 1:2 Referans Kwoze

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

YUHANIS 1:4

Pirman itu ngenjuakka idup, mangku iduptu ngenjuakka terang ngan manusiau.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

1 YUHANIS 5:11

Luak ini kici'antu: Allah la ngenjuakka ngan kitau idup sejati selelamaunyau. Mangku iduptu asalau jak di Ana'Au.

1 YUHANIS 3:8

Jemau diau maju bedusau asalau jak di Iblis, karnau Iblis bedusau jak di penembai. Batan inila Anak Allah datang, endak ngancurka kerjau Iblis itu.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

1 YUHANIS 3:5

Kamu keruan, bansau Keristus datang endak ngabiska dusau manusiau, mangku Diau nidau bediau dusau.

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

GALATIA 4:4

Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

YUHANIS 15:27

Mangku kamu pulau mesti ngiciakka Aku, karnau kamuni la seghundak ngan Aku jak di senitu.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

1 PITRUS 5:1

Aku mintak pengulu-pengulu jemau Keristen peratikala. Karnau aku sughang pengulu pulau ngan la nginak Keristus sengsarau ngan ngikut diagungka, amun keagungan Keristus dinyatauka nanti, mangku aku mintak nian,

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

RASUL 10:41

ukan ngan gegalau jemau, cuman ngan kami diau la dulu dipilia Allah, supayau ngiciakkanyau. La udim Diau ngulang idup jak di mati, kamini la makan ngan Diautu.

RASUL 5:32

Kamini la ngeruani ngan ngiciakka gegalau ceritau itu, kami ngan Rua Allah diau dienjuakka Allah ngan gegalau jemau diau na'ati Diau.”

RASUL 2:32

Yesus itula diau Allah idupka agi jak di mati. Kami gegalaunyau la ngina'au nian ngan ngiciakkanyau.

RASUL 1:22

Jemau itu mesti seghundak ngan kitau jak di aghi Yesus dibaptis enggut Diau tuangkat ke sergau, mangku ngiciakka ngan jemau, bansau Yesus ngulang idup jak di mati.”

YUHANIS 21:14

Inila diau ketigau kaliau Yesus ngancakka diriAu ngan anak-buaHau, la udim Diau ngulang idup jak di mati.

YUHANIS 17:5

Bak, mbak kini agungka Aku di adapan Dighi ngan carau Aku diagungka, timpau Aku guak Bapak antak ka deniau adau.

YUHANIS 16:28

Nyela, asalKu jak di Bapak, mangku Aku la datang ke deniau. Anyautu mbak kini Aku ninggalka deniauni endak baliak njenguak Bapak.”

YUHANIS 8:38

Aku ini ngiciakka setu diau la Kukinak di BapakKu. Kapu dighi pulau ngerjauka setu diau la kapu dighi dengaghka jak di bak kapu dighi.”

YUHANIS 7:29

Akuni keruan Diau, karnau asalKu jak di Allah, Diautu ngajung Aku.”

YUHANIS 3:13

Nidau bediau sughang kia diau la nayiak ke sergau lain jak di diau la tughun jak di sergau, diautu Anak Manusiau.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

1 YUHANIS 1:1

Isi surat ini ngiciakka Pirman diau ngenjuakka idup. Diautu la adau jak di penembai, la kami dengagh ngan kinak ngan matau kaminila, lagi la kami kecakka ngan tangan kami nian.

YUHANIS 10:28

Aku ngenju'i diau idup selelamaunyau, mangku bebiritu nidau ka benasau enggut selelamaunyau. Nidau bediau sughang kia diau ka merebuti diau jak di sayianKu.

YUHANIS 19:35

Jemau diau nginak titu diautu ngiciakkanyau, supayau kamu percayau pulau. Kici'annyau itu benagh ngan diau keruan, bansau titu benagh.

1 YUHANIS 2:25

Mangku inila janjiAu: idup selelamaunyau.

1 YUHANIS 4:2

Luak inila caraunyau kitau ngeruani, apu itu Rua Allah apu ukan: Jemau diau ngaku'i Yesus Keristus datang ke deniau nyerupaui manusiau, jemautu adau rua jak di Allah.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

1 YUHANIS 5:13

Gegalaunyautu kutuliska ngan kamu diau percayau ngan Anak Allah, supayau kamu keruan, bansau kamu la bulia idup sejati selelamaunyau.