1 TIMUTIUS 6:18 - PEJANJIAN EMPAI CERITAU ILUAK

¹⁸ Ingatkala jemau, supayau kayau ngan kerjau iluak, mura nulung jemau ngan galak ngenjuak.

1 TIMUTIUS 6:18 Referans Kwoze

IBRANI 13:16

Mangku majula kerjauka diau iluak ngan sangi tulungi, karnau itula kerban diau melemakka ati Allah.

1 YUHANIS 3:17

Amun adau jemau diau buadau nginak kantinau nidau bediau, anyautu enggup nulung diautu, luak manau jemautu pacak ngiciakka, diau nyayangi Allah?

RUM 12:8

Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

LUKAS 12:21

Luak itula jemau diau melungguakka retau bendau batan endak diri sughang, amun diau nidau dianggap Allah kayau.”

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

2 KURINTUS 8:12

Amun kamu sukau ngenjuak, mangku Allah ka nerimau enju'an kamutu nurut setu diau adau di kamu, ukan nurut setu diau nidau bediau di kamu.

1 KURINTUS 16:2

Idang aghi minggu gegalau kamu mesti ngasingka tanci sesughangan nurut pulian kamu. Penyapila tancitu enggut aku datang, mangku masau itu nidau nanti ditunggalka agi.

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

1 PITRUS 3:11

Jemautu mesti njawuhi setu diau ja'at ngan ngerjauka setu diau iluak. Jemautu mesti beusaha nian endak idup ngan damai.

RASUL 11:29

Mangku jemau Keristen sepakat endak ngumpulka tanci nurut kerilaan sesughangan, endak dikighimka ke jemau percayau diau adau di Yudia.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

MATIUS 5:42

Enjuakkala ngan jemau diau mintak ngan kaba, pinjamkala ngan jemau diau endak minjam.”

LUKAS 3:11

Katau Yuhanis, “Jemau diau adau duau lambagh baju enjuakkala selambagh ngan jemau diau nidau bediau, mangku jemau diau adau makanan enjuakka pulau luak itu.”

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.