1 TIMUTIUS 2:7 - PEJANJIAN EMPAI CERITAU ILUAK

⁷ Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

1 TIMUTIUS 2:7 Referans Kwoze

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

2 TIMUTIUS 1:11

Endak ngiciakka ceritau iluak itu Allah milia aku njadi rasul ngan guru.

RUM 9:1

Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

GALATIA 2:9

Yakubus, Pitrus ngan Yuhanis diau njadi pengulu jemau Keristen ngaku'i, bansau aku la ditugaska luak itu. Mangku ughangtu bejabat tangan ngan aku ngan Barnabas njadi tandau tetuju, bansau kami pegi endak bekerjau di guak jemau ukan Yahudi, ngan ughangtu pegi bekerjau di guak jemau Yahudi.

GALATIA 1:20

Setu diau kutulis ini benagh. Allah keruan, aku nidau mbu'ung.

GALATIA 1:16

Allah nyatauka Ana'Au ngan aku, supayau ceritau Ana'Autu pacak kukiciakka ngan jemau bangsau lain. Masau itu aku nidau mintak pendapat ngan sughang kiala.

RUM 11:13

Mbak kini aku endak ngiciak ngan kamu, ui jemau diau ukan jemau Yahudi. Aku rasul batan endak jemau ukan jemau Yahudi, mangku riang nian ngan kerjaukuni.

2 PITRUS 2:5

Luak itu pulau deniau timpau senitu nidau Allah enangka bibas jak di ukuman. Allah mbuat ayiak merampus di deniau, mangku jemau diau ja'at mati galau. Cuman Nua delapan beghanak diselamatka, karnau Nua ngiciakka ceritau diau benagh.

GALATIA 3:9

Abraham percayau, mangku diau disayangi. Luak itu pulau gegalau jemau diau percayau ka disayangi semegi ngan Abraham.

2 KURINTUS 11:31

Allah, Bapak jak di Yesus, Tuhan kitau, keruan aku nidau mbu'ung. Tepujila namaunyau selelamaunyau.

RUM 10:14

Anyautu luak manau ughangtu pacak mantau Tuhan, amun lum percayau? Luak manau pacak percayau, amun lum ndengagh ceritauNyau? Luak manau pacak ndengagh ceritauNyau, amun nidau bediau jemau diau ngiciakkanyau?

RASUL 26:20

Ngan terang-terangan aku ngiciakka ngan jemau, mbak bansau ughangtu mesti ngubai peremba'au jak di dusaunyau ngan ngulang njenguak Allah ngan mbuktika ngan idupau, bansau ughangtu la ngubai nian. Aku ngiciakka titu dulu sekali di Damsik, udim itu di Yerusalim ngan di gegalau Yudia, mangku pulau ngan jemau bangsau lain.

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

YUHANIS 7:35

Mangku tuau-tuau jemau Yahudi sangi tanyaui, kataunyau, “Jemau ini endak pegi ke manau, mangku kitau nidau pacak betemu ngan Diau? Apu Diau endak pegi njenguak jemau diau merantau bada jemau Yunani endak ngajagh jemau Yunani?

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

RUM 1:9

Aku maju ndu'aka kamu, amun aku bedu'a. Allah keruan setu diau kukiciakkatu benagh. Batan endak Allah itula aku bekerjau nian ngan segenap atiku mangku ngiciakka ceritau iluak nceritauka Ana'Au.

1 KURINTUS 9:1

Apu ukan aku jemau bibas? Ukan aku rasul? Apu aku lum nginak Yesus, Tuhan kitau? Apu ukan kamu asil kerjauku batan endak Tuhan?