1 TIMUTIUS 2:5 - PEJANJIAN EMPAI CERITAU ILUAK

⁵ Allah gi sughang. Mangku diau mbuat manusiau seilu'an ngan Allahtu gi sughang pulau, diautu manusiau Yesus Keristus.

1 TIMUTIUS 2:5 Referans Kwoze

GALATIA 3:20

Pengantarau cuman penting, amun adau duau pihak. Anyautu Allah itu sutiak.

1 KURINTUS 8:6

Anyautu amun kitau, Allah gi sughang, Diautu Bapak diau njadika gegalaunyau. Batan endak Diaula kitau idup. Mangku Tuhan gi sughang pulau, Diautu Yesus Keristus. Karnau Diau gegalaunyautu dijadika mangku karnau Diau pulau kitau idup.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

IBRANI 12:24

Kamu ngadap Yesus diau mbuat janji empai ngan dipegheciakka dagha mangku njamin setu diau lebia iluak jak di dagha Abil.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

RUM 10:12

Titu batan endak gegalau jemau, empuak jemau Yahudi empuak jemau bangsau lain, nidau bediau bidahau, karnau Allah diau sughangtu Tuhan gegalau jemau. Diau iluak nian ngan gegalau jemau diau mintak tulung ngan Diau.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

IBRANI 8:6

Anyautu mbak kini Yesus dapat tugas imam diau jawua lebia penting jak di kerjau imam-imam tadi, karnau pejanjian diau dibuatAu di antarau Allah ngan manusiau jawua lebia penting, karnau setu diau dijanjikatu lebia iluak.

IPISUS 4:6

Allah gi sughang pulau diau njadi Bapak gegalau jemau. Diautu nguasaui gegalaunyau, bekerjau di gegalaunyau ngan adau di gegalaunyau.

1 KURINTUS 8:4

Kitau keruan, ceritau makan daging diau disiwauka, diumpamauka setu diau sebenaghau nidau bediau. Kitau keruan Allah itu sughang, nidau bediau diau lain.

MATIUS 1:23

“Sughang budak gadis ka ngandung ngan melahirka sughang anak lanang. Anak itu ka dinamauka Imanuil.” Imanuil retiau, “Allah betunggal ngan kitau.”

PENGINA'AN 1:13

Di pugan tiang lamputu adau sughang diau luak Anak Manusiau betegak di situ. BajuAu baju lambing enggut ke tumit. DadauNyau dililit emas.

MATIUS 1:1

Inila namau-namau niniak puyang Yesus Keristus, pengadau Daud, pengadau Abraham.

RASUL 4:12

Nidau bediau jemau lain diau pacak nyelamatka lain jak di Diautu, karnau di deniau di guak manusiau nidau bediau sughang kia diau dapat kuasau jak di Allah diau nyelamatka lain jak di Yesus Keristus.”

RUM 1:3

Ceritau iluaktu nceritauka Anak Allah, Tuhan kitau Yesus Keristus. Nurut manusiau Diau pengadau Daud. Nurut Rua Diau Anak Allah diau suci. Itu dibuktika ngan kuasau besak, karnau Diau la mati mangku ngulang idup.

1 TIMUTIUS 6:13

Mangku mbak kini di adapan Allah diau ngidupka gegalaunyau ngan di adapan Yesus Keristus diau ngaku'i ceritau diau benagh di mukau Puntius Pilatus, aku ngajung kaba nian,

1 YUHANIS 2:1

Ui, anak-buaku! Aku nulis itu ngan kamu, supayau kamu jangan mbuat dusau. Anyautu amun adau diau mbuat dusau, kitau adau sughang Penulung diau adil, diautu Yesus Keristus, diau endak mbenaghka kitau di adapan Allah Bapak.

LUKAS 14:22

Udim dikerjauka, anak-buahau ngiciakka ngan tuanau, ‘Tuan, diau diperintaka dighi la kami kerjauka, anyautu gi adau bada.’