1 TIMUTIUS 1:5 - PEJANJIAN EMPAI CERITAU ILUAK

⁵ Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

1 TIMUTIUS 1:5 Referans Kwoze

1 TIMUTIUS 1:19

Bejuangla ngan percayau ngan Keristus ngan ati diau beresia. Adau jemau diau nidau nyanauka suarau ati keci'au, mangku iman ughangtu kacau.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

2 TIMUTIUS 1:5

Karnau aku teghingat kaba percayau nian ngan Keristus semegi luak niniak kaba Luis ngan mak kaba Iuniki, mangku aku yakin kaba percayau pulau luak itu.

2 TIMUTIUS 1:3

Aku beterimau-kasia ngan Allah. Batan endak Diau aku bekerjau ngan ati diau beresia luak dikerjauka niniak puyangku senitu. Aku maju teghingat kaba dalam du'a ngan beterimau-kasia ngan Allah empuak siang empuak malam.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

2 PITRUS 1:7

Ta'at ngan Allah ditamba ngan sayang ngan kantin diau suagamau. Sayang ngan kantin kamu ditamba ngan sayang ngan gegalau jemau.

RUM 10:4

Tujuan ukum Taurat la ditepati Keristus, mangku bilang jemau diau percayau njadi seilu'an ngan Allah.

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

1 TIMUTIUS 3:9

Ughangtu mesti maju percayau nian ngan ajaghan Keristus ngan ati diau beresia.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

1 PITRUS 4:8

Diau penting sekali, kamu mesti sangi sayangi nian, karnau amun kamu sangi sayangi, kamu sukau pulau sangi ma'apka.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

RASUL 23:1

Paulus ngina'i angguta pengadilan, mangku bekatau, “Ui, kapu dighi. Enggut mbak kini aku nidau meghasau besala dalam atiku di adapan Allah.”

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

1 KURINTUS 13:1

Empuak aku pacak ngiciak serbau mecam basau manusiau ngan basau malaikat pulau, anyautu amun aku nidau nyayangi jemau lain, aku semegi ngan gung ngan canang diau dimunika asal ajau.

RUM 14:15

Amun kamu nyakiti ati kantin kamu karnau makanan, kerjau kamutu nyatauka kamu nidau nyayangi diau. Jangan mbenasauka kantin kamu karnau makanan, karnau Keristus la mati batan endak diau.

RUM 9:1

Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

RASUL 15:9

Allah nidau nian mbidaka kitau ngan ughangtu. Diau mberesiaka ati ughangtu, karnau ughangtu percayau.

MATIUS 12:35

Jemau iluak ngiciakka setu diau iluak, karnau atiau iluak. Jemau ja'at ngiciakka setu diau ja'at, karnau atiau ja'at.

MATIUS 5:8

Riangla jemau diau beresia atiau, karnau diau ka keruan Allah.

1 YUHANIS 3:23

Ini diau diperintaka Allah: Kitau mesti percayau ngan Ana'Au Yesus Keristus. Kitau pulau mesti sangi sayangi, luak la diajung Keristus.

IBRANI 13:18

Majula du'aka kami. Kami yakin ati keciak kami beresia, karnau kami maju endak ngerjauka setu diau iluak.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

RUM 12:9

Jangan cak nyayangi. Luatka diau ja'at, kerjaukala diau iluak.

1 TIMUTIUS 1:18

Timutius, anakku! Tugas ini kupercayauka ngan kaba, karnau katau Allah diau dikiciakka nabi senitu ceritau kaba. Kici'an itu mesti njadi pembimbing kaba mangku pacak bejuang iluak-iluak.

1 YUHANIS 3:10

Inila tandaunyau anak Allah ngan anak Iblis: Jemau diau nidau ngerjauka kendak Allah diau ukan anak Allah. Luak itu pulau jemau diau nidau nyayangi jemau lain.