1 TIMUTIUS 1:1 - PEJANJIAN EMPAI CERITAU ILUAK

¹ Jak di aku, Paulus. Aku njadi rasul Yesus Keristus karnau perinta Allah, Penyelamat kitau, ngan Yesus Keristus diau njadi aghapan kitau.

1 TIMUTIUS 1:1 Referans Kwoze

TITUS 1:3

Mangku masau diau ditetapkaNyau, Allah nyatauka janjiAu ngan katauNyau. Katau Allahtu la dipercayauka ngan aku, mangku aku ngiciakkanyau, karnau la diajung Allah, Penyelamat kitau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

YUDAS 1:25

Diautula Allah ngan Rajau Penyelamat kitau karnau Yesus Keristus, Tuhan kitau. Diautu Allah diau agung, bekuasau ngan diregaui jak di senitu enggut mbak kini ngan selelamaunyau. Amin.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

GALATIA 1:1

Batan endak kantin-kantin kami jemau Keristen di perupinsi Galatia. Aku, Paulus, sughang rasul nulis surat ini. Aku njadi rasul ukan karnau dikenda'i manusiau ukan pulau karnau diajung jemau, tapitu karnau kendak Yesus Keristus ngan Allah Bapak diau la ngidupka Diautu jak di mati. Gegalau kantin kitau diau adau seghundak ngan aku bepesan ngan kamu.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

1 KURINTUS 1:1

Jak di Paulus, diau dipilia Allah njadi rasul Yesus Keristus, ngan jak di Sustenis, kantin kitau,

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

TITUS 3:6

diau la dienjuakkaNyau galau ngan kitau karnau Yesus Keristus, Rajau Penyelamattu.

TITUS 3:4

Anyautu Allah, Penyelamat kitau, nyayangi kitau, la nyatauka keilu'anNyau ngan kitau.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

TITUS 2:10

jangan maling. Anyautu ughangtu mesti maju iluak ngan ta'at. Mangku ajaghan Allah, Penyelamat kitau, maju dipuji jemau.

1 TIMUTIUS 4:10

Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

1 TIMUTIUS 2:3

Itula diau iluak ngan melemakka ati Allah, Penyelamat kitau.

GALATIA 1:11

Kantin-kantinku, kamu mesti ngeruani, bansau ceritau iluak diau kukiciakkatu asalau ukan jak di manusiau.

1 KURINTUS 9:17

Misalau aku ngerjaukanyau ngan kendakku sendighi, nyela aku behak nerimau upa. Anyautu aku ngerjauka titu karnau kewajibanku. Aku diajung Allah batan endak ngerjaukanyau.

RUM 1:1

Kantin-kantinku di Rum diau disayangi Allah. Aku, Paulus, nulis surat ini. Aku sughang budak Yesus Keristus diau dipilia ngan dijadika rasul mangku ditugaska endak ngiciakka ceritau iluak jak di Allah.

LUKAS 1:47

Atiku riang nian, karnau Allah Rajau Penyelamatku.

LUKAS 2:11

Malam ini di kuta Daud la lahir Rajau Penyelamat, Diautu Keristus, Tuhan.