1 PITRUS 4:4 - PEJANJIAN EMPAI CERITAU ILUAK

⁴ Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

1 PITRUS 4:4 Referans Kwoze

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

RASUL 18:6

Anyautu ughangtu melawan ngan nggelakkanyau, mangku Paulus ngepaska debu jak di bajuau, tandau batan endak ngingatka sala ughangtu ngan bekatau, “Amun kapu dighi celakau, itu sala kapu dighi itula. Aku belepas tangan. Mulai mbak kini aku ka pegi ke bangsau lain.”

YUDAS 1:10

Anyautu ughangtu nggelakka gegalaunyau diau nidau ughangtu keruani. Ughangtu semegi ngan benatang diau nidau berupu'an diau ngikut serilaunyau ajau. Ikak itula ughangtu benasau.

RASUL 13:45

Anyautu, satu nginak jemau banyak itu, jemau Yahudi sengit nianan, mangku nggelakka Paulus ngan melawan kici'an Paulustu.

2 PITRUS 2:22

Kerjau ughangtu luak diau dikiciakka dalam pantun ini, “Anjing ka makan agi setu diau dimuntakanyau. Kaput diau la dimandika ka ngulang agi bekubang di licak.”

2 PITRUS 2:12

Anyautu guru tadi luak benatang diau cuman idup endak ditangkap ngan dibunua. Ughangtu nidau berupuak, cuman ngikut serilaunyau ajau. Ughangtu nggelakka setu diau nidau dikeruaninyau, mangku ikak peremba'au diau ja'attu ughangtu ka benasau luak benatang ganas.

RUM 13:13

Kitau mesti iluak-iluak luak jemau diau idup dalam terang. Jangan bereruyalan, jangan memabu'an, jangan menaugawia, jangan nuruti serilau, jangan belagau, jangan sengit.

LUKAS 15:13

Lum lamau udim itu, anak bunsu tadi njualka gegalau bagiannyautu, mangku pegi merantau ke bada diau jawua. Di situ diau ncecapa'i tanciau ngan idup bereruyalan.

IPISUS 5:18

Jangan kamu mabuak anggur, karnau anggur merusakka kamu. Anyautu kamu mesti dikuasaui Rua Allah.

MATIUS 23:25

Celakaula kapu dighi, ai guru-guru ukum Taurat ngan jemau Parisi. Kapu dighi jemau cak alim. Mangkuak ngan piring kapu dighi basua banci-banci di luaghau, anyautu di dalamau kumua kematila ngan selak ngan barang nidau alal.