1 PITRUS 4:17 - PEJANJIAN EMPAI CERITAU ILUAK

¹⁷ La sampai masaunyau Allah ngadili deniau. Umat Allah itula diau dulu sekali diadili. Amun kitau dulu diadili, luak manau jadiau nanti ngan jemau diau nidau percayau ngan ceritau iluak jak di Allah itu?

1 PITRUS 4:17 Referans Kwoze

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

1 PITRUS 2:8

Ngan pulau, “Itula batu diau mbuat jemau tuantuak, batu diau mbuat jemau telabua.” Ughangtu tuantuak, karnau nidau ta'at ngan kici'an Allah. Luak itula ditetapka Allah batan endak ughangtu.

RUM 2:9

Bilang jemau diau galak ngerjauka diau ja'at ka sengsarau ngan nanggung. Jemau Yahudi kudai mangku jemau Yunani mangku pulau jemau bangsau lain.

LUKAS 23:31

Amun kayu diau gi idup jemau la mbuati luak ini, tuapau pulau ka dibuat ughangtu ngan kayu mati?”

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

IBRANI 2:4

Lagi pulau Allah neguaka kici'an ughangtu ngan tandau nyelia ngan nyatauka kuasauNyau ngan ngenjuakka Rua Allah ngan jemau nurut kenda'Au.

IBRANI 2:2

Katau Allah diau la dikiciakka malaikat ngan niniak puyang kitau benagh nian, mangku jemau diau melanggarau ngan nidau ta'at diukum ngan ukuman diau setimpal.

GALATIA 5:7

Senitu kamu bejuang ngan iluak. Mbak kini ngapau kamu nidau ta'at agi ngan Allah? Sapau diau ngasut kamu?

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

RUM 1:1

Kantin-kantinku di Rum diau disayangi Allah. Aku, Paulus, nulis surat ini. Aku sughang budak Yesus Keristus diau dipilia ngan dijadika rasul mangku ditugaska endak ngiciakka ceritau iluak jak di Allah.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

1 TIMUTIUS 3:15

Mangku amun aku lambat sampai, kaba la keruan, luak manau kitau anak-anak Allah mesti idup. Kitauni anak Allah diau idup diau njadi tiang penegak, njadi pelapiak ajaghan diau benagh jak di Allah.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.