1 PITRUS 4:12 - PEJANJIAN EMPAI CERITAU ILUAK

¹² Kantin-kantinku diau kusayangi. Mbak kini kamu banyak penanggungan ikak diuji. Nidau nanti kemangan, karnau setu diau tejadi di kamu nidau sebeghapau.

1 PITRUS 4:12 Referans Kwoze

2 TIMUTIUS 3:12

Nyela, bilang jemau diau endak idup ta'at ngan Allah ngan idup seghundak ngan Yesus Keristus ka dianiayau.

1 PITRUS 5:9

Lawanla diau ngan percayau nian ngan Keristus, karnau kamu keruan kantin kamu diau percayau di gegalau deniau sengsarau semegi ngan kamu.

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

1 PITRUS 4:4

Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.