1 PITRUS 3:1 - PEJANJIAN EMPAI CERITAU ILUAK

¹ Luak itu pulau kamu diau njadi bini, kamu mesti tunduak ngan laki kamu, supayau amun adau diau nidau percayau ngan ceritau jak di Allah, kerjau kamu pacak mbuat diau percayau, nidau nanti ngiciak tuapau-apau,

1 PITRUS 3:1 Referans Kwoze

KULUSI 3:18

Tinau diau la belaki tunduakla ngan laki kamu, karnau itula carau diau iluak batan endak jemau Keristen.

IPISUS 5:33

Luak manau kila gegalaunyautu ngenaui kamu pulau. Sayangila bini kamu luak diri kamu, mangku bini mesti meregaui lakiau.

1 KURINTUS 11:3

Aku endak, supayau kamu ngeruani, bansau diau ngepala'i jemau lanang nyela Keristus, diau ngepala'i jemau tinau nyela lakiau, diau ngepala'i Keristus nyela Allah.

1 KURINTUS 7:16

Kamu bini diau percayau apu kamu keruan, bansau kamu nidau ka pacak nyelamatka laki kamu? Mangku kamu laki diau percayau apu kamu keruan, bansau kamu nidau ka pacak nyelamatka bini kamu? Cengki nidau!

1 PITRUS 3:7

Mangku kamu pulau diau njadi laki, kamu semestiau idup ngan bini kamu ngan jagau, bansau diautu jemau nidau kuat. Regauila diau, karnau diau pulau luak kamu ka dienjuakka Allah idup selelamaunyau. Kerjaukala itu, mangku nidau bediau diau ngalangi du'a kamu.

RUM 7:2

Misalau jemau tinau diau la belaki tekungkung ngan lakiau nurut peraturan, masau lakiautu gi idup. Amun lakiau mati, tinautu bibas jak di peraturan itu.

1 KURINTUS 14:34

jemau tinau mesti diam. Ughangtu nidau bulia ngiciak. Ughangtu mesti nunduak, luak itu ditulis di ukum Taurat.

MATIUS 18:15

“Misalau kantin kaba besala ngan kaba, tegughila diau nidau bediau jemau ndengagh. Amun diau nurut kici'an kaba, mangku kaba la buasil mbatak diau ngulang njenguak Allah.

KULUSI 4:5

Carau kamu bekundang ngan jemau diau nidau percayau, kamu mesti bepengertian nian, mangku gunaukala masau diau adau iluak-iluak batan endak Tuhan.

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

1 PITRUS 4:17

La sampai masaunyau Allah ngadili deniau. Umat Allah itula diau dulu sekali diadili. Amun kitau dulu diadili, luak manau jadiau nanti ngan jemau diau nidau percayau ngan ceritau iluak jak di Allah itu?

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

RUM 10:16

Anyautu nidau gegalau jemau nerimau ceritau itu. Yesaya la ngiciak, “Tuhan, sapau ka percayau ngan kici'an kamu?”

1 PITRUS 3:2

karnau diau nginak kerjau kamu diau beresia ngan alim nian.