1 PITRUS 1:12 - PEJANJIAN EMPAI CERITAU ILUAK

¹² Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

1 PITRUS 1:12 Referans Kwoze

YUHANIS 15:26

Aku ka ngajung Penulung njenguak kamu diau asalau jak di Bapak. Diau ka nyatauka Allah sebenaghau. Amun Diau datang, Diau ka ngiciakka Aku.

IPISUS 3:10

Diau ngerjauka titu, supayau mbak kini jak di jemau Keristen gegalau pengulu ngan penguasau di awang-awang ka ngeruani gegalau pengertian Allah.

1 KURINTUS 2:10

Allah la ngajung RuaHau nyataukanyau ngan kitau, karnau Ruatu ngeruani gegalaunyau, lagi pulau rencanau Allah diau tebuni.

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

MARKUS 16:15

Mangku Diau bekatau ngan ughangtu, “Pegila ke gegalau deniau, kiciakkala ceritau iluak ngan gegalau isi deniau.

1 PITRUS 1:25

anyautu katau Allah tetap selelamaunyau.” Katau itu ceritau iluak diau la dikiciakka ngan kamu.

PENGINA'AN 5:11

Mangku aku tekinak agi, mangku ndengagh suarau banyak nian malaikat di guak kerusi rajau, empat benatang ngan tuau-tuau tadi. Malaikattu bejuta-juta.

2 KURINTUS 6:6

Kami nunjuakka kami ambau Allah, bekerjau ngan jujur, bepengertian, ngaligh ngan iluak. Kami bepaut ngan Rua Allah ngan nyayangi nian.

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

RUM 15:19

ngan kuasau ngan tandau nyelia. Gegalaunyautu karnau kuasau Rua Allah. Luak itula kerjauku di manau-manau, mulai jak di Yerusalim enggut Ilirikum aku ngiciakka gegalau ceritau iluak nceritauka Keristus.

RASUL 2:33

Diau diangkat Allah di sebela kananAu, mangku nerimau Rua Allah diau la dijanjika Bapak. Mangku setu diau la kapu dighi dengagh ngan kinak mbak kini, itu Rua Allah diau la dienjuakka ngan kami.

IBRANI 2:4

Lagi pulau Allah neguaka kici'an ughangtu ngan tandau nyelia ngan nyatauka kuasauNyau ngan ngenjuakka Rua Allah ngan jemau nurut kenda'Au.

GALATIA 1:16

Allah nyatauka Ana'Au ngan aku, supayau ceritau Ana'Autu pacak kukiciakka ngan jemau bangsau lain. Masau itu aku nidau mintak pendapat ngan sughang kiala.

GALATIA 1:12

Aku nidau nerimaunyau jak di manusiau. Nidau sughang kia ngajaghkanyau ngan aku, tapitu Yesus Keristus nyataukanyau ngan aku.

RUM 10:15

Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

MATIUS 11:25

Masau itu Yesus bekatau, “Bak, Aku ngagungka dighi, Tuhan langit ngan deniau, karnau gegalaunyau ini Dighi resiauka ngan jemau diau sekul ngan jemau pintar. Anyautu Dighi nyataukanyau ngan jemau biasau.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

LUKAS 9:6

Mangku anak-bua Yesus pegi ke dusun-dusun endak ngiciakka ceritau iluak itu ngan meghadui jemau buidapan di manau-manau.

LUKAS 2:26

Rua Allahtu la nyatauka ngan diau, bansau diau nidau ka mati, amun lum nginak Rajau Penyelamat diau dijanjika Tuhan itu.

MATIUS 16:17

Katau Yesus ngan diau, “Riangla kaba Simun anak Yuna, karnau ukan manusiau diau ngiciakka titu ngan kaba, tapitu Bapakku diau di sergau.

MATIUS 11:27

Gegalaunyau la Dighi seraka ngan Aku. Nidau bediau sughang kia diau keruan Anak, lain jak di Bapak. Nidau bediau pulau diau keruan Bapak, lain jak di Anak ngan jemau diau dikenda'i Anaktu nyataukanyau.

IBRANI 11:13

Gegalau jemautu percayau mangku mati, nidau nerimau setu diau dijanjika Allahtu, cuman ngina'au jak di jawua mangku riang. Ughangtu ngaku'i, bansau ughangtu jemau asing ngan merantau di deniauni.

RUM 1:15

Itula sebapau aku endak nian ngiciakka ceritau iluaktu pulau ngan kamu diau adau di Rum.

RASUL 16:10

La udim Paulus nginak pengina'antu, kami bedandan endak pegi ke Makedunia, karnau kami la percayau ngan mutuska, bansau Allah ngajung kami ngiciakka ceritau iluak ngan jemau di situ.

RASUL 10:44

Penarau Pitrus gi ngiciakka gegalaunyautu, Rua Allah tughun nguasaui gegalau jemau diau ndengagh ceritautu.

RASUL 8:25

La udim Pitrus ngan Yuhanis ngiciakka setu diau ughang duautu keruan ceritau Tuhan Yesus ngan nyampaika katau Tuhan, ughang duautu baliak ke Yerusalim. Di jalan ughangtu ngiciakka ceritau iluak itu di dusun-dusun Samaria.

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RASUL 4:8

Mangku katau Pitrus, “Ui, pengulu-pengulu ngan tuau-tuau bangsau kitau,

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 PITRUS 4:6

Itula sebapau ceritau iluaktu la dikiciakka pulau ngan jemau mati, mangku jemau diau la meghasauka mati, luak gegalau manusiau ka mati, bulia idup dalam rua semegi ngan Allah.