1 KURINTUS 4:6 - PEJANJIAN EMPAI CERITAU ILUAK

⁶ Kantin-kantinku, katauku ini kukenauka ngan aku ngan Apulus njadi cuntau batan endak kamu, supayau kamu belajagh jak di kami tuapau reti kici'an ini: “Turutila peraturan diau adau.” Jangan adau di guak kamu jemau diau ninggika diau sughang ngan nginauka diau lain.

1 KURINTUS 4:6 Referans Kwoze

2 KURINTUS 11:4

Rupaunyau kamu riang nerimau jemau diau datang guak kamu ngan ngiciakka ceritau Yesus diau lain, ukan Yesus diau kami kiciakka ngan kamu. Kamu pulau endak nerimau rua ngan ceritau diau lain nian ngan Rua Allah ngan ceritau iluak diau kamu terimau jak di kami.

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 12:6

Misalau aku endak muji diriku, aku nidau ka mbu'ung, aku ka ngiciakka diau benagh. Anyautu aku na'an diriku, supayau jangan adau jemau diau nganggap aku lebia jak di setu diau dikinak di aku ngan didengagh jak di aku.

KULUSI 2:18

Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

RUM 12:3

Allah la ngenjuakka pengertian ngan aku, mangku aku ngici'i gegalau kamu, jangan nganggap diri kamu lebia jak di sebenaghau. Anyautu kamu mesti merupuakka diri kamu ngan ngensian, bilang ughang nurut kesanggupan percayau diau dienjuakka Allah ngan kamu.

2 KURINTUS 10:7

Kamu cuman nginak setu diau kina'an jak di luagh ajau. Amun adau sughang diau yakin, bansau diau hak Keristus, diau mesti berupuak agi, mangku nyadari, bansau kamini pulau hak Keristus semegi ngan diautu.

2 KURINTUS 4:15

Gegalaunyautu batan endak kamu. Karnau tamba banyak jemau meghasauka keilu'an Allah, tamba banyak pulau du'a beterimau-kasia ngan Allah, mangku Allah diagungka.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

1 KURINTUS 5:6

Nidau pantas kamu langguak. Asauku kamu la keruan, bansau ghagi dikit ngembangka gegalau lejuan.

1 KURINTUS 3:19

Setu diau dianggap deniau pintar dikiciakka Allah bigal. Dalam Injil ditulis, “Allah ngenangka manusiau tetangkap ngan kepintarannyau.”

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

2 KURINTUS 10:15

Kami nidau muji diri kami ngan kerjau jemau diau adau di luagh batas diau ditetapka Allah batan endak kami. Kami ngaghapka kamu tamba percayau ngan Keristus, mangku kami pacak ngerjauka kerjau diau lebia besak agi di guak kamu. Kerjau itu maju adau dalam batas diau ditetapka Allahtu.

2 KURINTUS 10:12

Nyela, kami nidau beghani nyamauka ngan mbandingka kamini ngan jemau diau muji diriau. Alaka bigal ughangtu! Makai diriau njadi ukuran, mangku mbandingka diriau ngan diri ughangtula.

1 KURINTUS 13:4

Jemau diau nyayangi jemau lain ngaligh ngan atiau iluak. Diau nidau sengit, nidau langguak ngan nidau geduak.

1 KURINTUS 9:23

Gegalaunyautu kukerjauka karnau ceritau iluak jak di Allah, supayau aku bulia bagian jak di Allah.

1 KURINTUS 5:2

Empuak luak itu, kamu masia langguak. Semestiau kamu bingung ngan maluan, mangku melinsi jemau diau ngerjauka titu jak di guak kamu.

1 KURINTUS 3:21

Karnau itu jangan adau diau langguak karnau sughang jemau. Gegalaunyau la dienjuakka njadi hak kamu:

1 KURINTUS 1:31

Mangku itu luak la ditulis di Injil, “Jemau diau endak bangga mesti mbanggaka setu diau dikerjauka Allah.”

1 KURINTUS 1:19

Dalam Injil Allah bekatau, “Kepintaran jemau bepengertian ka Kuabiska. Rupu'an jemau beilmu ka Kukacauka.”

1 KURINTUS 1:12

Inila diau kukiciakka: Adau diau ngatauka, “Aku ngikut Paulus,” adau diau lain agi bekatau, “Aku ngikut Apulus,” adau agi diau bekatau, “Aku ngikut Pitrus,” mangku adau pulau diau bekatau, “Aku ngikut Keristus.”

RASUL 18:24

Penarau itu, adau sughang jemau Yahudi datang ke Ipisus. Jemautu asalau jak di Aliksanderia, namaunyau Apulus. Diautu pintar ngiciak ngan keruan gegalau isi Injil.

RASUL 19:1

Penarau Apulus gi adau di Kurintus, Paulus ngidari daira itu, mangku sampai di Ipisus. Di situ diau betemu ngan bebeghapau jemau diau percayau ngan Yesus.

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.