1 KURINTUS 4:4 - PEJANJIAN EMPAI CERITAU ILUAK

⁴ Aku nidau meghasau besala, anyautu titu ukan mbuktika, bansau aku endiak besala. Tuhan itula ka netapka, apu aku besala apu nidau.

1 KURINTUS 4:4 Referans Kwoze

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

2 KURINTUS 5:10

Karnau gegalau kitau ka diadili Keristus, mangku bilang jemau ka nerimau balasan diau setimpal nurut peremba'au di deniauni, empuak iluak empuak ja'at.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

RUM 2:13

Jemau nidau dibenaghka, amun keruan ukum Taurat. Jemau dibenaghka, amun ngerjauka setu diau diajung ukum Taurattu.

RASUL 23:1

Paulus ngina'i angguta pengadilan, mangku bekatau, “Ui, kapu dighi. Enggut mbak kini aku nidau meghasau besala dalam atiku di adapan Allah.”

YUHANIS 21:17

Diau ketigau kaliau Yesus betanyau ngan diau, “Simun, anak Yuhanis,” katau Yesus, “Apu kaba nyayangi Aku?” Pitrus bingung, karnau Yesus betanyau ngan diau enggut tigau kali, “Apu kaba nyayangi Aku?” Mangku Pitrus nimbal, “Tuhan, Dighi keruan gegalaunyau, Dighi keruan aku nyayangi Dighi.” Katau Yesus, “Sayiala bebiriKu!

RUM 4:2

Amun Abraham dibenaghka karnau kerjaunyau, diau adau sebapau endak bangga, anyautu ukan di adapan Allah.

1 KURINTUS 4:3

Amun aku, nidau ngapau-ngapau, apu aku diakimi kamu, apu jemau lain. Aku pulau nidau ngakimi aku sendighi.