1 KURINTUS 3:12 - PEJANJIAN EMPAI CERITAU ILUAK

¹² Adau diau negakka ghuma di pucuak pelapiaktu makai emas, pirak ngan permatau, madak kayu, ghumput ngan jeghami.

1 KURINTUS 3:12 Referans Kwoze

2 TIMUTIUS 4:3

Karnau ka sampai masaunyau jemau nidau endak agi nerimau ajaghan diau benagh. Anyautu ughangtu ka nunggalka banyak guru nurut kendak ughang itula endak diajagh setu diau lemak didengagh.

2 TIMUTIUS 3:7

Tinautu maju endak ngeruani gegalaunyau, anyautu nidau kekela ngeruani ajaghan diau benagh.

2 TIMUTIUS 2:20

Di ghuma diau besak adau bemecam-mecam dandanan. Adau diau dibuat jak di emas ngan pirak, adau pulau diau dibuat jak di kayu ngan tana. Diau ini digunauka batan endak kerjau idang aghi. Diau tadi digunauka batan endak tujuan diau penting.

PENGINA'AN 21:18

Dindingtu dibuat jak di permatau yaspis. Kutatu dibuat jak di emas asli, besinagh luak kacau.

PENGINA'AN 3:18

Karnau itula aku negughi kaba, supayau kaba mbeli jak di Aku emas diau asli, la diuji dalam api, mangku kaba njadi kayau. Mangku belila pulau baju putia, supayau kaba makaiau, mangku jangan kina'an kaba telanjang diau malukatu. Mangku belila pulau minyak batan endak mbasua matau kaba, mangku kaba pacak nginak.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

PENGINA'AN 2:14

Empuak luak itu adau pulau sala kaba. Adau jemau jak di kamu diau ngikut ajaghan Biliam. Biliamtu ngajaghka Balak carau nyesatka jemau Israil, supayau ughangtu menaugawia ngan makan makanan diau la disiwauka.

IBRANI 13:9

Jangan kamu disesatka ngan bemecam-mecam ajaghan. Ati kitau diteguaka karnau keilu'an Allah, ukan karnau peraturan makanan. Nuruti peraturan makanantu nidau bediau gunaunyau.

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

1 TIMUTIUS 6:3

Amun adau jemau diau ngajaghka ajaghan diau lain ngan nidau tetuju ngan ajaghan diau benagh jak di Tuhan kitau Yesus Keristus ngan nidau pulau tetuju ngan ajaghan agamau kitau,

KULUSI 2:8

Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

RUM 16:17

Kantin-kantinku, aku mintak nian, supayau kamu sepepadau ngan jemau diau melawan ajaghan diau la kamu terimau, diau mbuat kacau ngan nyesatka. Jawuhi jemau luak itu,

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

1 KURINTUS 3:11

Karnau nidau sughang kiala pacak mbuat pelapiak lain jak di diau la dibuat Allah, diautu Yesus Keristus.

1 KURINTUS 3:13

Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.