1 KURINTUS 2:9 - PEJANJIAN EMPAI CERITAU ILUAK

⁹ Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

1 KURINTUS 2:9 Referans Kwoze

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

IBRANI 11:16

Anyautu ughangtu meghinduka bada diau lebia iluak, diautu bada diau di sergau. Itula sebapau Allah nidau maluan dikiciakka Allah ughangtu, karnau Allah la nyediauka sutiak kuta batan endak ughangtu.

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

1 YUHANIS 4:19

Kitau nyayangi jemau, karnau Allah la dulu nyayangi kitau.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

MATIUS 20:23

Katau Yesus agi, “Nyela, kamu ka nanggungka pulau sengsarau luak Aku. Anyautu sapau diau ka duduak di sebela kidau ngan kananKu, itu ukan hakKu. Bada itu batan endak jemau diau ditetapka BapakKu.”