1 KURINTUS 13:1 - PEJANJIAN EMPAI CERITAU ILUAK

¹ Empuak aku pacak ngiciak serbau mecam basau manusiau ngan basau malaikat pulau, anyautu amun aku nidau nyayangi jemau lain, aku semegi ngan gung ngan canang diau dimunika asal ajau.

1 KURINTUS 13:1 Referans Kwoze

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

1 PITRUS 4:8

Diau penting sekali, kamu mesti sangi sayangi nian, karnau amun kamu sangi sayangi, kamu sukau pulau sangi ma'apka.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

1 KURINTUS 13:8

Kasia nidau ka abis. Ngiciakka katau Allah ka udim. Ngiciak basau rua ka mandak. Kepintaran ka lengit pulau.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

RUM 14:15

Amun kamu nyakiti ati kantin kamu karnau makanan, kerjau kamutu nyatauka kamu nidau nyayangi diau. Jangan mbenasauka kantin kamu karnau makanan, karnau Keristus la mati batan endak diau.

MATIUS 25:45

Mangku Rajau itu ka nimbal, ‘Keruanila, masau kamu nidau nulung sala sughang kantinKu ini, empuak diau inau sekali, kamu nidau nulung Aku.’

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

1 KURINTUS 12:16

Misalau telingau bekatau, “Aku ukan matau, mangku aku ukan dandanan badan.” Apu nyela diau ukan dandanan badan?

2 KURINTUS 12:4

jemautu tuangkat ke sergau. Di situ diau ndengagh katau diau nidau pacak dikiciakka manusiau ngan nidau diajung dikiciakka manusiau.

MARKUS 16:17

Jemau diau percayau ka mbuat tandau nyelia. Ughangtu ka ngisitka iblis ngan kuasauKu. Ughangtu ka ngiciak ngan basau diau nidau keruan ngan ughangtu.

1 KURINTUS 12:10

Diau sughang dienjuakka kuasau ngadauka tandau nyelia, diau lain dienjuakka kuasau ngiciak luak sughang nabi. Adau diau dienjuakka kuasau mbidaka, manau diau Rua Allah manau diau ukan. Adau diau dienjuakka kuasau bekiciak basau rua. Adau pulau diau dienjuakka kuasau ngiciakka reti basau ruatu.

1 KURINTUS 14:2

Jemau diau ngiciak basau rua, ukan ngiciak ngan manusiau, tapitu ngan Allah. Nidau bediau jemau diau terti setu diau dikiciakkanyautu, karnau Rua Allah mbuat diau ngiciakka setu diau cuman dikeruani Allah.

1 KURINTUS 14:4

Jemau diau ngiciak basau rua cuman neguaka diriau, tapitu jemau diau ngiciakka katau Allah majuka iman jemau Keristen.

1 KURINTUS 14:5

Alaka iluak, amun gegalau kamu pacak ngiciak basau rua, anyautu iluakla, amun kamu pacak ngiciakka katau Allah. Jemau diau ngiciakka katau Allah, begunaula diau sangkan jemau diau ngiciak basau rua, lain amun jemau diau ngiciak basau ruatu pacak meretika setu diau dikiciakkanyautu, supayau begunau batan endak gegalau jemau Keristen.

PENGINA'AN 14:2

Mangku aku ndengagh suarau jak di langit luak muni ayiak besak diau tumban jak di cughup ngan muni gurua diau besak. Mangku suarau diau kudengaghtu luak muni pemain kecapi diau dang metiak kecapiau.