1 KURINTUS 1:14 - PEJANJIAN EMPAI CERITAU ILUAK

¹⁴ Untungla aku nidau mbaptis sughang kiala jak di kamu lain ngan Kerispus ngan Gayus.

1 KURINTUS 1:14 Referans Kwoze

RASUL 18:8

Anyautu Kerispus, kepalak ghuma sembayang itu ngan jemau di ghumahau percayau ngan Tuhan Yesus, ngan banyak pulau jemau Kurintus lainau ndengagh kici'an Paulus. Ughangtu percayau mangku dibaptis.

RUM 16:23

Gayus bepesan ngan kamu. Aku numpang di ghumahau ngan jemau Keristen pulau betunggal endak sembayang di situ. Erastus, kepalak menyapi tanci kuta, bepesan ngan kamu. Luak itu pulau kantin kitau Kuartus.

1 TESALUNIKA 5:18

Luak manau kia setu diau tejadi di kamu, kamu mesti beterimau-kasia ngan Allah, karnau itula diau Allah kenda'i ngan kamu, jemau diau percayau ngan Yesus Keristus.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

IPISUS 5:20

Luak manau kila maju beterimau-kasiala ngan Allah Bapak dalam namau Tuhan kitau Yesus Keristus.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

1 KURINTUS 14:18

Aku beterimau-kasia ngan Allah, karnau akuni pacak ngiciak basau rua lebia jak di gegalau kamu.

1 KURINTUS 1:4

Aku maju beterimau-kasia ngan Allah, karnau kamu la nerimau keilu'an Allah karnau la seghundak ngan Yesus Keristus, mangku kamu la njadi kayau ngan gegalaunyau, kayau ngan katau, kayau ngan pengertian.

PILEMUN 1:4

Dang aku bedu'a ndu'aka kaba, aku maju beterimau-kasia ngan Allah.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

RASUL 10:48

Mangku diau ngajung ughangtu dibaptis dalam namau Yesus Keristus. La udim itu ughangtu mintak, supayau Pitrus maju seghundak ngan ughangtu bebeghapau aghi agi.

1 KURINTUS 1:15

Mangku nidau bediau diau pacak bekatau, bansau kamu dibaptis ngan namauku endak njadi anak-buaku.