1 KURINTUS 1:12 - PEJANJIAN EMPAI CERITAU ILUAK

¹² Inila diau kukiciakka: Adau diau ngatauka, “Aku ngikut Paulus,” adau diau lain agi bekatau, “Aku ngikut Apulus,” adau agi diau bekatau, “Aku ngikut Pitrus,” mangku adau pulau diau bekatau, “Aku ngikut Keristus.”

1 KURINTUS 1:12 Referans Kwoze

YUHANIS 1:42

Anderias ngantat Simun guak Yesus. Yesus ngina'i Simun, mangku bekatau ngan diau, “Kabani Simun, anak Yuna. Kaba ka dinamauka Kepas.” Kepas semegi ngan Pitrus basau Yunani, retiau batu batan pelapiak.

GALATIA 3:17

Diau endak kukiciakka di sini: Janji Allah la disahka senitu. Ukum Taurat empai dienjuakka empat ratus tigau pulua taun udim itu. Ukumtu nidau pacak mbatalka ngan ngabiska janji itu.

GALATIA 2:9

Yakubus, Pitrus ngan Yuhanis diau njadi pengulu jemau Keristen ngaku'i, bansau aku la ditugaska luak itu. Mangku ughangtu bejabat tangan ngan aku ngan Barnabas njadi tandau tetuju, bansau kami pegi endak bekerjau di guak jemau ukan Yahudi, ngan ughangtu pegi bekerjau di guak jemau Yahudi.

2 KURINTUS 9:6

Ingatkala, jemau diau nanamka benia dikit ka dikit pulau dapat asilau. Jemau diau nanamka banyak benia ka banyak pulau asilau.

1 KURINTUS 16:12

Amun ceritau kantin kitau Apulus, la rajin kuajung, supayau diau pegi berayak ngan kamu serempak ngan kantin-kantin diau lain. Anyautu diau lum endak pegi mbak kini. Nanti diau ka datang, amun diau kungang.

1 KURINTUS 15:50

Diau endak kukiciakka ngan kamu luak ini: Badan diau dijadika jak di dagha ngan daging nidau pacak bulia bada di sergau, mangku badan diau ka busuaktu nidau pacak idup selelamaunyau.

1 KURINTUS 15:5

Aku ngiciakka pulau, bansau Keristus diau la idup agitu ngancakka diriAu ngan Pitrus, mangku ngan duau belas anak-buaHau.

1 KURINTUS 9:5

Apu aku endiak behak mbatak bunting diau Keristen serempak bejalan ngan aku, luak diau dikerjauka rasul lain ngan ading-beghading Tuhan Yesus ngan Pitrus pulau?

1 KURINTUS 7:29

Maksudku luak ini: Masaunyau la pandak. Mangku mulai mbak kini jemau diau bebunting mesti idup luak nidau bebunting.

1 KURINTUS 4:6

Kantin-kantinku, katauku ini kukenauka ngan aku ngan Apulus njadi cuntau batan endak kamu, supayau kamu belajagh jak di kami tuapau reti kici'an ini: “Turutila peraturan diau adau.” Jangan adau di guak kamu jemau diau ninggika diau sughang ngan nginauka diau lain.

RASUL 18:24

Penarau itu, adau sughang jemau Yahudi datang ke Ipisus. Jemautu asalau jak di Aliksanderia, namaunyau Apulus. Diautu pintar ngiciak ngan keruan gegalau isi Injil.

MATIUS 23:8

Tapitu kamu jangan endak dipantau ‘pak guru’, karnau guru kamu cuman sughang, mangku gegalau kamu anak-buaHau.

RASUL 19:1

Penarau Apulus gi adau di Kurintus, Paulus ngidari daira itu, mangku sampai di Ipisus. Di situ diau betemu ngan bebeghapau jemau diau percayau ngan Yesus.

1 KURINTUS 1:11

Karnau adau jak di kapu Kelui diau la ngiciakka ngan aku, bansau adau jak di kamu diau bebala.

2 KURINTUS 10:7

Kamu cuman nginak setu diau kina'an jak di luagh ajau. Amun adau sughang diau yakin, bansau diau hak Keristus, diau mesti berupuak agi, mangku nyadari, bansau kamini pulau hak Keristus semegi ngan diautu.