Lucas 6:25 - Paranan

²⁵ “Sikam a bássug hidi nadid ay kakakagbi kam, gapu alappán kam! “Sikam a mágtatawaán hidi nadid ay kakakagbi kam, gapu magin malungkut kam sakay mágsasangitán.

Lucas 6:25 Referans Kwoze

Santiago 4:9

Magluksa kam sakay magsanget; palitan moy en págtawa moy ti págsanget sakay en kasayaan moy ti kalungkutan.

Pahayag 3:17

Kákkagiyán mu a, ‘Mayaman kami sakay sagana ten atanan a bagay sakay awan dán ti kailangan pa,’ peru en awan mu tukoy ay kakakagbi ka, kahabaghabag, pubri, burák sakay eklas.

1 Tesalonica 5:3

Ni kagiyán nen tolay hidi a, “Tahimik sakay ligtas,” ay bigla a dumemát en kapahamakan. Awan hidi makaiwas gapu en káddemát ni iyád ay kona ten kássumpung nen págbati nen bábbi a magenak.

Efeso 5:4

Dyan kam bi maggamet ti ányaman a malaswa oni awan ti kuwenta a pággupos sakay usekan a awan nerarapat. Nan, magin mapagpasalamat kam ten Diyos.

Lucas 13:28

Mamagsangetan kam sakay mággaaduyán haud ni ketan moy dán ten kahariyan nen Diyos de Abraham, Isaac, ti Jacob sakay en atanan a propeta hidi, mentras a paadeyuwán na kam.

Lucas 12:20

Peru kinagi nen Diyos dikona, ‘Mangmang! Nadid bi a gibi ay bawiyán ku dán i biyag muwen. Kándeya nadid a meangay en atanan a inhanda mu?’

Lucas 8:53

Nagtawaan di ti Jesus gapu tukoy di a patay dán en dalagita.

Lucas 6:24

“Peru sikam a mágkayaman hidi nadid ay kakakagbi kam, gapu nagtamasa kamon ti ginhawa.

Lucas 6:26

“Kakakagbi kam ni puriyán kam nen atanan a tolay, gapu kona labi hud ginametid nen ninunu di hidi ten awan hidi tatarudan a propeta.”