Lucas 24:52 - Paranan

⁵² Sinamba di siya sakay káttapos ay nagsoli hidi ti Jerusalem a masaya a tarud.

Lucas 24:52 Referans Kwoze

Mateo 28:9

Peru tinagbu hidi ni Jesus, sakay binati na hidi, “Magkahud kam ti kapayapaan!” Ummadeni hidi kánni Jesus, tinumawid hidi ten básset na hidi sakay sinamba di siya.

Juan 16:22

Kona kam labi haud maglungkut kam nadid, peru mamagketa kitam a ruway sakay magkahud kam ti dikál a kasayaan ten pusu moy a awan ti makapangagew maski ni deya.

1 Pedro 1:8

Maski awan moy palla siya netan ay mahal moy dán siya. Hanggan ngani nadid ay awan moy palla siya netan peru maniwala kamon dikona. Kaya tunay dán en kasayaan moy a awan mepaliwanag ti upos.

Juan 20:28

Tummábbig ti Tomas, “Panginoon ku sakay Diyos ku!”

Juan 14:28

Kinagi ku dán dikomoy a, ‘Lumakadák peru sumoliyák labi.’ Ni mahalák moy, ay dapat a magsaya kam ta angayák ten Ama, gapu mas dakila en Ama nan sikán.

Mateo 28:17

Dikona a ketan di ti Jesus ay sinamba di siya. Peru en agum hidi ay nagduda en isip di.

Juan 16:7

Kaya kagiyán ku dikomoy en tatarudan: en kállakad ku ay para ten kapiyyaan moy, gapu awan angay dikomoy en Banal a Ispiritu ni awanák lumakad. Peru ni lumakadák, paangayán ku siya dikomoy.

Lucas 24:51

Mentras a pagpalaán na hidi ay mággade-adeyu siya a padisunu a patamu dilanget.

Lucas 24:53

Pirmi hidi a mággangay ten Templo a magpuri ten Diyos.

Gamet 1:12

En apostol hidi ay nagsoli ten siyudad a Jerusalem. Gubwat hidi ten bukid a Olibo hidi a dummisunuwan ni Jesus, manga essa a kilumetru en kadeyu na ti Jerusalem.