Juan 5:9 - Paranan

⁹ Ti odasid a iyud ay nagpiyya en lállaki, inalap na en abák na sakay naglakad. Iyud a aldew ay Aldew nen Káimang.

Juan 5:9 Referans Kwoze

Juan 9:14

Aldew iyud nen Káimang dikona gamitán ni Jesus en lusak sakay nanggamot na ten burák.

Marcos 10:52

Kinagi ni Jesus, “Nagpiyya ka dán gapu ten pánnampalataya mu.” Ti odasid a iyud ay naketa dán siya a ruway, sakay ummunud kánni Jesus.

Marcos 5:29

Ti odas biyid a iyud a natawidan na en badu ni Jesus ay pagdaka na a nabati a awan dán en págdigi na sakay nagpiyya dán siya.

Marcos 1:42

Ti odas biyid a iyud ay pagdaka a nagpiyya en ketong na, sakay nagin malinis siya.

Marcos 1:31

Kaya inadeniyan ni Jesus en bábbi, tinawidan na en lima na sakay inyekat na. Pagdaka siya a nawasan sakay tulos na dán a sinerbiyan de Jesus.

Juan 7:23

Ni turiyán moy en essa a lállaki ten Aldew nen Káimang, tánni masunud moy la en utus ni Moises, bakin a maiyamut kam dikoku gapu ten págpapiyya ku ten Aldew nen Káimang?

Juan 5:14

Kállipas ni iyud, ay netan ni Jesus ten Templo en lállaki a pinagpiyya na. Kagi na dikona, “Nadid ta nagpiyya ka dán, ay dyan ka dán maggamet ti kasalanan, bakay mas madukás pa i mangyariyid dikomu.”