Juan 16:32 - Paranan

³² Dumemát en odas a nadid dán ngani a magkawatak-watak kam, magsadili kam ti lakad, sakay iwarakák moy. Peru, awanák mággeessa gapu kaguman ku en Ama.

Juan 16:32 Referans Kwoze

Mateo 26:31

Kinagi ni Jesus dikodi, “Ti gibiyid a iyád ay lakadanák moy a atanan, kona ten kinagi nen Kasulatan a, ‘Bunuwán ku en pastol sakay magkawatak-watak en tupa hidi.’

Juan 8:29

Sakay kaguman ku en nangutus dikoku, awanák na páppabayan, gapu pirmi ku a gággamitán en makasaya dikona.”

Juan 8:16

Sakay ni maghatulák man ay tama en pághatul ku. Gapu bakán la a sikán en maghatul nan kaguman ku en Ama a nangutus dikoku.

Marcos 14:27

Nadid, kinagi ni Jesus dikodi, “Lakadanák moy a atanan, gapu nakasulat ten kasulatan a, ‘Bunuwán ku en pastol sakay mangalat en tupa hidi.’

Mateo 26:56

Peru nangyari i atananid a iyád para matupad en insulat nen propeta hidi.” Káttapos ay gumminan en disepulus na hidi sakay inwarak di siya a mággeessa.

Juan 20:10

Sakay nagsoli en disepulus hidi ten bilay di.

Juan 16:25

“Kagiyán ku hidi iyád dikomoy ti patalinhaga. Peru dumemát en panahun a awanák dán magupos dikomoy ti kona haád; diretsuwan ku dán a kagiyán dikomoy en tungkul ten Ama.

Juan 16:2

Palayasán di kam ten sinagoga hidi. Ti katunayanid dumemát en panahun a en deyaman a mangbunu dikomoy ay magakala a magserbi ten Diyos.

Juan 4:23

Peru dumemát dán en panahun nadid dán ngani a mismu, a en tunay a sumamba ten Ama ay sumamba ten ispiritu ay ten katutuhanan. Gapu iyud en gustu nen Ama ten balang sumamba dikona.

Juan 4:21

Kinagi ni Jesus dikona, “Maniwala ka dikoku, a sambaán en Diyos bakán la a ti iyán a bukid oni ti Jerusalem.

Juan 12:23

Kinagi ni Jesus, “Dummemát dán en odas tánni parangalan en Anak nen Tolay.

Juan 5:28

Dyan kam magtaka ti kagiyán kuwidi, gapu dumemát en odas a masanig nen patay hidi en boses na.

Juan 5:25

Tandaan moy iddi: dumemát en odas, nadid dán ngani, a masanig nen patay hidi en boses nen Anak nen Diyos sakay en mágsanig dikona ay mabiyag.

Marcos 14:50

Ginuminan en atanan nen disepulus hidi, inwarak di ti Jesus.

Gamet 8:1

Kaguman ti Saulo ten pángbunu kánni Esteban. Ti aldewid a iyud ay nagsapul en mahigpit a pággusig ten mánnampalataya hidi ti Jerusalem. Minagkalat en mánnampalataya hidi ten iba-iba a lugar ten prubinsiya a Judea sakay Samaria peru en apostol hidi ay napisan la ti Jerusalem.

Juan 16:31

Tummábbig ti Jesus, “Talaga beman a maniwala kamon nadid?

Juan 19:27

Sakay kinagi na bi ten disepulus na, “Siya dán ina muwid!” Sapul haud ay pinágyan dán nen disepulus ti Maria ten bilay na.

Gamet 21:6

Káttapos mi a nagpaalam dikodi ay summakay kami ten barku sakay ummuli dán bi hidi.