Hebreo 3:8 - Paranan

⁸ ay dyan moy dán pakáttugán i pággisipan moyen, kona ten ginamet nen Israelita hidi a kássuway sakay purbaan en pasensiya nen Diyos ten parang.

Hebreo 3:8 Referans Kwoze

Mateo 13:15

Gapu nagin maktug dán en ulu ni tolayiday hidi; mahirap a makasanig en babángbáng di, sakay ingkáddám di en matamata di, ni awan di ginamet iyud ay naketa dán nakuwan en matamata di, nakasanig en babángbáng di, nakaintendi en iisip di, sakay nagsoli hidi dikoku, sakay pinagpiyya ku hidi.’

1 Corinto 10:9

Dyan tam purbaan ti Cristo, a kona ten ginamet nen agum dikodi. Kaya nágkatay hidi dikona kinákkagat hidi ni kabiklatan.

Gamet 19:9

Peru tehud a sangan dikodi a maktug ti pággisipan a umád a sumampalataya sakay nagupos pa hidi ti madukás ten atubengán nen katolayan ti kontra ten Dilan nen Panginoon. Kaya linakadan ni Pablo en sinagoga, ingkuyug na en mánnampalataya hidi a tamu ten iskuwilaan ni Tirano sakay nagtulos-tulos siya a nangaral aldew-aldew.

Gamet 7:36

Siya en nánggiya ten Judio hidi dikona a lakadan di en banuwan a Egipto. Naggamet siya ti himala hidi ti Egipto, sakay ten Diget a Madidig sakay ten dikona ked hidi ten kaparangan ti áppat a pulu a taon.