1 Corinto 3:9 - Paranan

⁹ Sikami ay parehu a tarabahador nen Diyos, sakay sikam en mámmulaan na. Sikam bi ay bilay nen Diyos.

1 Corinto 3:9 Referans Kwoze

1 Pedro 2:5

Kona ten biyag a batu, magin bahagi kam nen essa a templo a ispirituwal. Sikam en padi hidi a nelaan para ten Diyos, magalay kam ten Diyos ti alay a ispirituwal a makapangpasaya alang-alang kánni Jesu-Cristo.

2 Corinto 6:1

Nadid ta kaguman kami ten tarabahu nen Diyos, ipákpágguron mi dikomoy a dyan moy sayangán en kabaitan nen Diyos a iyáatád na dikomoy.

1 Corinto 3:16

Awan moy beman tukoy a templo kam nen Diyos sakay mágyan dikomoy en Ispiritu na?

Marcos 16:20

Summunud ngani en disepulus na hidi a nangaral ten atanan a lugar. Sakay tinulungan hidi nen Panginoon, pinatunayan na ten tolay hidi a tarud en ipangaral di gapu ten himala hidi a ingkaluub na dikodi.

Mateo 9:37

Kaya kinagi na ten disepulus na hidi, “Makpal dán a gapasán, peru sasangan la en maggapas.

1 Corinto 3:6

Sikán en nagmula, ti Apolos en nagdilig, peru en Diyos en nagpatubu sakay nagpalagu.

Colosas 2:7

Magpakatibay kam dikona sakay palaguwán moy biyag moyen dikona. Magpakatatag kam ten pánnampalataya moy a netoldu dikomoy sakay pirmi kam a magpasalamat ten Diyos.

Efeso 2:10

Linalang kitam nen Diyos, sakay ten pákpagkaessa tam kánni Cristo Jesus, ay linalang na kitam tánni maggamet ti maganda a inhanda na dán para dikotam tenhud pa.

1 Corinto 6:19

Awan moy beman tukoy a en bággi moy ay templo nen Banal a Ispiritu a ked dikomoy sakay impagkaluub nen Diyos dikomoy? Bakán moy dán a kao i bággi moyen;

Gamet 4:11

Tungkul kánni Jesus en nakasulat ten Kasulatan a, ‘En batu a inadiyan moy a mágbilay hidi, ay siya en nagin adigi a pamireng.’

3 Juan 1:8

Dapat tam hidi a tulungan tánni makatulung kitam dikodi ten pángkalat di ten katutuhanan.

1 Timoteo 3:15

tánni mara awanák man makademát a pagdaka ay tukoy mu dán en dapat a ugali nen tolay a kabilang ten pamilya nen Diyos a biyag, ten simbaan a adigi sakay pundasyon nen katutuhanan.

2 Corinto 6:16

Oni nen Templo nen Diyos ten diyos-diyosan? Awan beman sikitam en templo nen Diyos a biyag? Siya dán bi en nagkagi a, “Mákpágyanák dikodi sakay mabiyagák a kaguman di, Sikán en magin Diyos di, sakay hidi ay magin tolay ku.

Hebreo 3:6

Peru ti Cristo ay matapat bilang Anak para magin pinunu nen pinili hidi nen Diyos. Sakay sikitam en tolay na hidi ni matibay en pag-asa tam sakay ni awan tam iyád ikasaniki.

Mateo 16:18

Sakay kagiyán ku dikomu, a siko ay Pedro, sakay ti dibabew ni batuwid a iyád ay ipataknág ku en simbaan ku, sakay awan ti makapangtalu dikona maski ni en kapangyariyan nen kamatayan.

Mateo 15:13

Tummábbig ti Jesus, “Bagután en bawat mula a awan immula nen Ama ku a ked dilanget.