Mateo 9:24 - El Nuevo Testamento

²⁴ Meꞌe ndachro ndo Jesús: ―Tachrjexinnta ntiꞌi ixi xjan jiꞌi tsikenꞌa xjan; jeꞌo jijua xjan. Ko jeꞌe na̱ kuaxi juanoa na̱ ndo.

Mateo 9:24 Referans Kwoze

Hechos 20:10

Méxin, ndo Pablo xingajin ndo ko kuitsingataꞌa ndo chán ko joa ndo chán. Ko ndache ndo sen kichuuna: ―Xronkaꞌinta, jichón chán.

Hechos 9:40

Tjumeꞌe kuetuanꞌan ndo Pedro ixi kain na̱ tsachrje na̱ nduja. Ko bakeꞌexin ntatuchiꞌin ndo ko nichjeꞌe ndo ndo Dio. Ko jitsjeꞌe ndo nchri tsikenꞌen ko ndachro ndo: ―Tabita, tayá. Ko jeꞌe nchra kuantjeꞌe ikon nchra ko bikon nchra ndo Pedro ko bakeꞌe nchra nunte.

San Juan 11:4

Ko kuinꞌen ndo Jesús ko ndachro ndo: ―Ichin chónda xa jeꞌa tsenxin xa ichin meꞌe. Naꞌi. Jiꞌi tsjako juachaxin ijié chónda Chjenꞌen ndo Dio.

Marcos 5:40

Ko jeꞌe na̱ juanoa na̱ ndo, méxin kuetuanꞌan ndo ixi kain na̱ satsji na̱ nduja ko jeꞌo kuituekao ndo ndotée xjan ko janée xjan ko sen níi, sen chrikao ndo, ko jeꞌe sen kuixinꞌin sen ti jii xjan.

San Lucas 8:53

Ko jeꞌe na̱ juanoa na̱ ndo Jesús, ixi kain na̱ noꞌe na̱ kuenꞌen xjan.