Mateo 5:42 - El Nuevo Testamento

⁴² Siá xrojan ni tsjanchakaꞌa ngajinnta, chje̱ꞌénta na̱, ko siá xrojan ngisen tjaun sinchekjennta na̱ xrojan ngeꞌe, tájonnta.

Mateo 5:42 Referans Kwoze

Hebreos 13:16

Tjáñaꞌinta ixi xrokonda sincheꞌenta ti jian ko tingijnanta chujni chóndaꞌi ngeꞌe. Jaña ncheꞌenta ixi meꞌe ncheꞌe ndo Dio juaxruxin.

Romanos 12:20

Kaxon ndachro xroon: “Siá ni ningakonꞌannta kuenꞌen na̱ jinta, chje̱ꞌénta na̱ sine na̱, ko siá kuenꞌen na̱ inda, chje̱ꞌénta na̱ tsiꞌi na̱. Jaña tsosueꞌe na̱ ixi jaꞌanta jian juincheꞌenta ngajin na̱.”

Hebreos 6:10

Ixi ndo Dio tsango jian ndo, meꞌe xrotjáñeꞌa ndo ti jian stencheꞌenta ko ti tingijnanta sen kichuunta, sen tjúá aséen, jaña tjakoxinnta ixi nduaxin tjueꞌenta ndo Dio.

Santiago 1:27

Ngisen nduaxin jian titikaon ndo Dio ko xroꞌan ngeꞌe sínká sen ngajin Ndo, sen meꞌe xrokonda jaña sincheꞌe sen: tsingijna sen xjan nóa ko kaxon sen kaꞌan, sen jitatsinga juachjaon, ko sincheki̱tja̱ꞌi aséen sen ixi kain ti ndakoꞌa jii ngataꞌa nunte xasintajni.

San Lucas 11:41

Siá ixi nchijíi asáanta chje̱ꞌénta ni nóa ngeꞌe chondanta, kaxon jaña nchijíi asáanta tsontjúá.

Mateo 5:41

Ko siá xrojan ni tjaun tsamanta ti iye jitikao na̱ naa kilómetro, jaꞌanta tikuꞌunta yuu kilómetro.