Mateo 25:40 - El Nuevo Testamento

⁴⁰ Ko ndo Rey xrondachro ndo: “Nduaxin ntatjunta nchakon bingijnanta naa sen kichuunta, sen ícha nóa, meꞌe xranchi xrobingijnaninta janꞌan.”

Mateo 25:40 Referans Kwoze

Mateo 10:42

Ko ngisen tsajon nchíín ndakin tsiꞌi naa chujni titikaonna, janꞌan xrotjáꞌa sen meꞌe naa ngeꞌe tsango tjintee tsayéꞌe sen.

Marcos 9:41

*Ko ngisen xrotjáanta naa vaso inda ixi nduaxin titikaonntana, nduaxin ndachrja̱n ixi tsayéꞌe sen ngeꞌe jian.

1 Pedro 1:22

Ko jai ó kuitikaonnta chijni nduaxin ko ixi kuitikaonnta meꞌe kontjúá asáanta, méxin tjueꞌenta sen kichuunta ixi espíritue ndo Dio tingijnanta. Ko xrokonda xrotjueꞌe kichuunta ixi nchijíi asáanta.

Gálatas 5:6

Ko siá jai̱na chuntiana ndo Jesucristo, í tjinteꞌa siá chondana o̱ chondaꞌina chjiꞌe ni judío. Ko ti ícha tjintee, meꞌe ti xrochuntiana Ncháina Jesucristo, ko ti chuntiana meꞌe tsingijnana tsinteena jian ko xrotjueꞌe kichuuna.

Gálatas 5:22

Ko Espíritue ndo Dio tajon ixi xrotjueꞌe kichuuna, ko juaxruxin tsojuna, ko tse̱to̱ꞌana, ko takaꞌi xrochjai̱na juañao, ko jian nichjeꞌe kichuuna, ko tjaunna tsingijnana inaa chujni ko ncheꞌena kain ngeꞌe ndachrona,

Mateo 10:40

*’Ko nchakon xrojan ngisen xrondachro ixi chao tsatsinganta ngaxinꞌin ndoꞌa sen, sen meꞌe xranchi xrokuayéꞌe sen najanꞌan, ko siá janꞌan tsayéꞌena sen kaxon Ndotána Dio, ndo xruanꞌanna, tsayéꞌe ndo sen.

Mateo 18:10

*’Ndachroꞌanta ixi tjinteꞌa kaxin xjanchínchín jiꞌin, ixi xjan jiꞌin, sen ángel neꞌe xjan, sen ste ngajní ti jii Ndotána, jeꞌe sen tjanchia sen ixi jeꞌe xjan.

1 Juan 4:20

Siá xrojan ngisen ndachro: “Janꞌan tjuaꞌa ndo Dio”, ko ningakonꞌen sen sen kichuu sen, sen meꞌe ncheya sen. Ixi siá chujni tikon sen ko juaꞌi tjueꞌe sen, xranchi xrotjueꞌe sen Ndotáina Dio, ndo juaꞌi tikon sen.

Hebreos 6:10

Ixi ndo Dio tsango jian ndo, meꞌe xrotjáñeꞌa ndo ti jian stencheꞌenta ko ti tingijnanta sen kichuunta, sen tjúá aséen, jaña tjakoxinnta ixi nduaxin tjueꞌenta ndo Dio.

Efesios 5:30

Ixi jai̱na ikjanna ningue ndo meꞌe xranchi xrokjui cuerpoe ndo.

Gálatas 5:13

Jaꞌanta kichuuna, ndo Dio kuinchaꞌanta ndo ixi ítsamaꞌinta ijie̱. Méxin, nchekateyaꞌi asáanta sicheꞌenta ti ñaꞌi. Cháña tingijnanta ko tjueꞌenta sen kichuunta.

Romanos 8:29

Sen ó saꞌó tsikincheꞌe ndo, tjaun ndo xrokjan sen xranchi chjenꞌen ndo, ko xrobikon sen Chjenꞌen ndo, xjan naakuaxon, ixi xjan meꞌe ícha saꞌó xjan.

Mateo 28:10

Tjumeꞌe jeꞌe ndo ndachro ndo: ―Xrakonꞌanta, ko satjinta tikekiꞌenta sen kichuuna ko itsji sen tjajna Galilea, ntiꞌa tsikonxin sen.

Mateo 25:34

Tjumeꞌe ndo rey xrondache ndo sen ste ndatsjonxin jian: “Xrokui̱i̱nta ti juinchenchaonnta Ndotána ixi tsayeꞌenta ti juintakitonꞌannta ndo, ti juinchéña ndo nchakon xrangíxixión kóña nunte xasintajni,

2 Corintios 4:5

Nchakon tjakona, jeꞌa tjakona ti xraxaꞌon janꞌanna. Janꞌanna tjakona ixi tsitikaonnta ndo Jesucristo xranchi Ncháanta, ko janꞌanna ntaꞌana ixra̱ ixi tsingijnananta ixi tjuaꞌana ndo Jesucristo.

San Juan 20:17

Ko ndachro ndo Jesús: ―Tajandana ixi xrasatjiꞌa ti jii Ndotána. Itjia titsjeꞌé sen kichuuna ko ndache sen ixi sajiin ti jii Ndotána, ndo kaxon Ndotánta, ndo Dio naꞌna ko kaxon ndo Dio naꞌanta.

Mateo 25:39

¿Ko ngisa bikona koniꞌanta o̱ bakeꞌenta ndoꞌachjiso ko juasotsjaꞌananta?”

Mateo 25:45

Tjumeꞌe Ndo Rey jaꞌin tsjateꞌe ndo: “Nduaxin ntatjunta ixi siá bingijnaꞌinta naa chujni kichuunta, naa ni ícha nóa, meꞌe xranchi janꞌan xrojuinchenaninta.”

San Lucas 19:38

Ko séen ndachro na̱: ―¡Itsjé juachaxin chónda ndo Rey, ndo jiti̱i̱ tsixruaꞌan ndo Dio! ¡Chaxro ko ijié juaxruxin tsakeꞌe ngajní ko ijié juasaya tsayéꞌe ndo Dio!

Apocalipsis 17:14

Kain xi meꞌe tse̱to̱ xa ngajin Xjantuchjon ko Xjantuchjon tsjacha xjan ngajin kain xi meꞌe ixi jeꞌe ndo Nchée kain chujni ko jeꞌe ndo naa Rey tetuenꞌen kain xi rey. Ko sen ste ngajin ndo, ndo Dio tsikiyeꞌe ndo sen ko kuincheꞌe ndo sen, ko sen meꞌe jian chuntia sen ngajin ndo.

Apocalipsis 19:16

Ko manta jitsáa ndo jitaxin: “Jeꞌe ndo Rey tetuenꞌen kain xi rey ko jeꞌe ndo Nchée kain chujni.”