Mateo 24:7 - El Nuevo Testamento

⁷ Naa tjajna tse̱ꞌto̱ ngajin inaa tjajna ko naa xi tituanꞌan tse̱ꞌto̱ xa ngajin inaa xi tituanꞌan. Ko tsango itsjé chujni tsoniꞌe na̱ ko tsango tsatse na̱ jinta ko tsango tsontengi nunte ngixeꞌi tjajna.

Mateo 24:7 Referans Kwoze

San Lucas 21:11

Ko itsjé no tsanga tsontengi nunte, ko tsango tsatse na̱ jinta ngataꞌa nunte, ko kaxon tsango itsjé ichin tsi̱i̱ ngataꞌa na̱, ko tsango chinga ngeꞌe tsikonni ngajní ko tsango sinchexronkana.

Apocalipsis 6:8

Ko ritsja̱ꞌa̱ ko bikon naa kunxin sine ko ti jitaꞌa ba ndatinꞌin Muerte. Ko tuenxin ti meꞌe jiruéꞌe ti tetuanꞌan ti no xrabaa ni tsikenꞌen. Ko kayui meꞌe kuayéꞌe juachaxin tsetuanꞌan ti noóxin parte nunte xasintajni ixi tsóña na̱ chujni ixi chika yao ko tsenxin na̱ jinta, ko tsenxin na̱ ichin ko iku jieꞌe tsóña chujni.

Hechos 11:28

*Naa ndo ndatinꞌin Agabo kuíxin ndo ti tsixraꞌo sen titikaon ndo Jesús ko ixi juachaxien Espíritue ndo Dio chronga ndo ixi tsi̱i̱ jinta nchijíi nunte ntiꞌa. Ko ti chronga ndo nduaxin konꞌen nchakon baketuanꞌan naa xi ndatinꞌin Claudio.

Apocalipsis 6:12

*Ko bikon Xjantuchjon kuintjian xjan ti ikjaon sello, ko tsango tsanga kontengí nunte. Ko chjiixro konaxixeꞌe xranchi naa manta tiie. Ko nchanitjao konjátse xranchi ijni̱.

Hebreos 12:27

Ko ti ndachro ndo “íjngo”, tienxinni ixi tsitjáña kain ngeꞌe ti tsikonchjian, kain ngeꞌe ti tontengi, ko jeꞌo tsituꞌe kain ngeꞌe ti tontengiꞌa.

Hechos 2:19

Ko janꞌan tsjáko ixra̱ ijié tsikonni ngajní, ko kaxon ngataꞌa nunte xasintajni tsjáko kaxin ixra̱ ijié: ijni̱, xroꞌi ko iꞌnchi xranchi itjui̱ tsikon na̱.

Apocalipsis 6:5

Ko Xjantuchjon kuintjian xjan ti nínxin sello ko kui̱nꞌa̱n nichja sen nínxin jichón ko ndachro sen: ―Xrokuia ko tsjeꞌé. Ko ritsja̱ꞌa̱ ko bikon naa kunxin tiie ko ndo jitaꞌa ba jichónda ndo ngaya itja naa balanza.

Apocalipsis 6:6

Ko kui̱nꞌa̱n nichja naa sen ngusine ti ste ti noó sen jichón ndachro: ―Jeꞌo naa kilo trigo tsinaxin ixi naa tomi denario ko níi kilo cebada ixi naa tomi denario kaxon. Ko nchetjáñaꞌinta aceite ko vino.