Mateo 21:31 - El Nuevo Testamento

³¹ Tjumeꞌe juanchangi ndo Jesús: ―¿Ngixeꞌe ti yuu chajan kuitikaon chán ngeꞌe kuetuanꞌan ndotée chán? Ko jeꞌe sen ndachro sen: ―Chán saꞌó kuituenꞌen. Ko ndo Jesús ndache ndo sen: ―Ko nduaxin xrontatjunta ixi chujni tjanchia tomi xroxrajon ngajin xi tetuanꞌan ko nchri chónda kueya xi, ni meꞌe ícha saꞌó tsixinꞌin na̱ ti tetuanꞌan ndo Dio ko tjumeꞌe jaꞌanta.

Mateo 21:31 Referans Kwoze

San Lucas 7:29

*Nchakon kuinꞌen na̱ jiꞌi, kain na̱ ko kain xi xengeꞌe iꞌna̱ tsikikite ndo Juan kuitikaon na̱ ixi ndo Dio tsango jian ndo.

Mateo 7:21

’Kainꞌa ni xrondachro: “Jaꞌanta, Nchána”, tsixinꞌin na̱ ti tetuanꞌan ndo Dio. Jeꞌo sen titikaon ti tetuanꞌan Ndotána jii ngajní, tsixinꞌin sen ntiꞌa.

2 Pedro 3:9

Jeꞌa ixi Ncháina jitonchrjenꞌen ndo sincheꞌe ndo ngeꞌe tsindachro ndo, xranchi jaña xraxaon kaxin na̱. Naꞌi. Jeꞌe Ncháina jichónꞌen ndo ixi xroꞌan chujni tsitjáña, ixi tjaun ndo kain chujni xrochuntia na̱ ngajin ndo.

Romanos 5:20

Bakeꞌe ley kuetuanꞌan ndo Dio ko chujni ícha juincheꞌe na̱ ti ndakoꞌa ko kuama na̱ ijie̱. Ko maski jaña ícha ijie̱ kuama chujni, ndo Dio ícha bikonóeꞌe ndo na̱.

Romanos 3:19

Noi̱na ixi kain ngeꞌe nichja xroon jitaxin ti tetuanꞌan ndo Dio, meꞌe kuetuenꞌen kain ni kuayéꞌe ley ixi jaña kain chujni ste nunte xasintajni xrotenko na̱ ko ndo Dio sinchéña ndo ijie̱ ngajin kainxin chujni.

Mateo 20:16

*Méxin, jaꞌin xrondachro chijni jiꞌin: ni kui̱i̱ ícha tjumeꞌe, ni meꞌe ícha saꞌó tsayéꞌe na̱ ti jian, ko ni kui̱i̱ ícha saꞌó, ni meꞌe ícha tjumeꞌe tsayéꞌe na̱ ti jian tsajon ndo Dio ixi itsjé ni tsonchjiñeꞌe ko kaxion ni tsincheꞌe ndo.

Hechos 17:30

Saꞌó ndo Dio tjáñeꞌe ndo ti kuancheꞌe chujni ixi noꞌe ndo xrakuachuxinꞌa na̱ ndo. Ko jai tituanꞌan Dio ngajin kain chujni jii ngataꞌa nunte xrokonda tsitikaon na̱ ndo.

San Lucas 19:22

Tjumeꞌe xi rey ndachro xa: “Jaꞌa jeꞌa naa xi nchexra̱ jian, ixi ti ndachrua jaꞌua kuama ijie̱. Siá ó noꞌa ixi janꞌan tsango ntuena, ixi tjaꞌo ti no xroꞌan ngeꞌe bakée, ko tatsiin ti no bengaꞌi,

San Lucas 15:10

Janꞌan ntatjunta kaxon ngajní kain sen ángel neꞌe ndo Dio ste sen juaxruxin nchakon naa ngisen ndakoꞌa juincheꞌe tindoxin sen ko ikjan sen ngajin ndo Dio ko titikaon sen chijnie ndo.

Mateo 18:3

*ko ndachro ndo: ―Nduaxin ntatjunta ixi siá tjaunnta tsixinꞌinnta ti tetuanꞌan ndo Dio, xrokonda tsindoxinnta ko tsaxi sincheꞌenta xranchi ncheꞌe naa xjan nchíín.

Mateo 12:50

ixi sen ncheꞌe ngeꞌe tjaun Ndotána jii ngajní, sen meꞌe janána ko sen kichian.

Mateo 9:9

Hora sakui̱xi̱n ndo Jesús ntiꞌa, tjumeꞌe bikon ndo naa xi ndatinꞌin Mateo jitayéꞌe xa tomi neꞌe xi tituanꞌan. Meꞌe ndachro ndo Jesús: ―Jaꞌa ruaꞌna̱na. Ko jeꞌe xi Mateo bingatjen xa ko ruéꞌe xa ndo Jesús.

Mateo 6:5

*’Ko nchakon jaꞌanta xronichjeꞌenta ndo Dio, ncheꞌanta xranchi ncheꞌe ni tjako inaa ikon, ni meꞌe ncheꞌe na̱ juaxruxin siin na̱ nichjeꞌe na̱ ndo Dio ngaxinꞌin niꞌngo ko ngaya chaꞌo, ixi jaña tsikon chujni ngeꞌe stencheꞌe na̱. Ko janꞌan ndachrja̱n ixi ni meꞌe ó chónda na̱ ngeꞌe tikinixinꞌen na̱.

Mateo 5:18

*Ko nduaxin xrontatjunta ixi xratsatsingaꞌi ngajní ko nunte xasintajni, xroꞌan ley kuetuanꞌan ndo Dio tsoméꞌe, ko ní naa letra tsachrjendeꞌa. Naꞌi, kain ti ndachro chijni, meꞌe xrokonda tsonꞌen.

Mateo 5:46

Siá jaꞌanta jeꞌo tjueꞌenta ngisen tjuaꞌanta, ¿ngeꞌe tsjachanta ixi meꞌe? Ixi ni tjejo tomi neꞌe xi tetuanꞌan jaña ncheꞌe na̱ kaxon.

Mateo 21:30

Ko tjumeꞌe kuitsjeꞌe xa inaa chájeꞌen xa ko xrajeꞌo kuetuenꞌen xa chán itsji chán ngataon ijngi ti jii nta̱a̱ tu uva ko juateꞌe chán: “Janꞌan chao itsji”, ichro chán. Ko juiꞌa chán.

San Juan 3:3

Ko ndo Jesús ndachro ndo: ―Janꞌan ntatjua ixi ngisen tjongíeꞌa íjngo juaꞌi tsikon sen ti tetuanꞌan ndo Dio.

San Juan 3:5

Ko ndo Jesús ndachro ndo: ―Nduaxin ntatjua: ixi ngisen tsjongíexinꞌa inda ko Espíritue ndo Dio juaꞌi tsixinꞌin sen ti tetuanꞌan ndo Dio.