Mateo 15:27 - El Nuevo Testamento

²⁷ Ko jeꞌe nchra ndachro nchra: ―Nchána, nduaxin meꞌe. Ko kaxon kunia ine ba nutja tutuꞌo titsingaxin ti netaꞌa nchée ba.

Mateo 15:27 Referans Kwoze

Efesios 3:8

Ko janꞌan tjinteꞌana xranchi ikaxin sen kuincheꞌe Ncháina ko juasie ndo Dio chjána ndo ixra̱ sintaꞌa ixi sintakuanꞌan ni jeꞌa judío chijni jian neꞌe ndo Jesucristo, ko chijni meꞌe ícha tjintee ixi ikaxin ngeꞌe.

San Lucas 16:21

Ko kunia tonchjiñeꞌe ba tuni ba ntauꞌe xi nóa. Ko jeꞌe xa tjaun xa sine xa kain ti tsixeꞌe ine xi chónda itsjé tomi.

Romanos 10:12

Ko ndo Dio tikon ndo naxrajeꞌo kain chujni, á ni judío o̱ á ni jeꞌa judío. Ncháina, Nchée kain chujni ko tingijna ndo kain ni tjancheꞌe ndo.

Romanos 3:29

Ndo Dio, ¿á jeꞌo Dio neꞌe ni judío? Naꞌi, jeꞌe ndo Dio neꞌe kain chujni, kaxon ni jeꞌa judío.

San Lucas 18:13

Ko xi tjáka tomi siin xa nchion ikjín ko jiséya xa nunte, tjenduaꞌi ikon xa noi, ko tandeꞌe xa ntakuin xa ko ndachro xa: “¡Ndotána Dio, tikonóananinta ixi chonda ijie̱!”

Mateo 8:8

Ko xi capitán juatingíexin xa: ―Naꞌi, Nchána, janꞌan tikinixinnaꞌi tsixinꞌinnta nía. Jaꞌanta jeꞌo tetuenꞌennta ichin tsachrje ichin, ko jeꞌe chán tsoxruenꞌen chán.

Mateo 5:45

Meꞌe jaꞌanta xrokjannta chjenꞌen Ndotáina jii ngajní, ndo tetuanꞌan tsachrje chjiixro ngataꞌa ni titikaon ndo ko ngataꞌa ni ñaꞌi, ko kaxon nchekania ndo ichrin ngataꞌa ni jian ncheꞌe ko ni ndakoꞌa ncheꞌe.

Romanos 3:4

Naꞌi. Ndo Dio sincheꞌe ndo kain ngeꞌe tsindachro ndo sincheꞌe ndo, maski kain na̱ xrojuincheya na̱. Jaꞌin ndachro xroon chijnie ndo Dio: Kain chujni xrondachro na̱ ixi jaꞌanta ndo Dio ko nduaxin ndachronta kain ngeꞌe. Méxin, nchakon tsjankataꞌanta na̱ ijie̱, jaꞌanta tsjachanta.

Efesios 3:19

Tjáncháꞌa̱ ndo Dio ixi jaꞌanta ícha tsichuxinnta ti tsango ijié tjuai̱na ndo Dio, ko jiꞌi juaꞌi tsienxin chujni. Jaña xrochondana kain juachaxin tsajon ndo Dio.

Romanos 3:19

Noi̱na ixi kain ngeꞌe nichja xroon jitaxin ti tetuanꞌan ndo Dio, meꞌe kuetuenꞌen kain ni kuayéꞌe ley ixi jaña kain chujni ste nunte xasintajni xrotenko na̱ ko ndo Dio sinchéña ndo ijie̱ ngajin kainxin chujni.

Mateo 15:26

Ko ndo Jesús ndachro ndo: ―Ndakoꞌa jii tsantsjeꞌeni chjenꞌenni nutja ko xrochjéeni kunia sine ba.

Mateo 15:28

Tjumeꞌe ndachro ndo Jesús: ―Nduaxin jaꞌa tsango chuntiana. Tsonꞌen xranchi jaꞌa tjauan. Ko hora meꞌe chjenꞌen nchra tuinxin koxruenꞌen xjan.

Marcos 7:28

Ko jeꞌe jan juatingíexin jan: ―Nduaxin meꞌe, Nchána. Ko kunia jingi ba mesa ine ba nutja tituꞌo ti tintjí ichjan.