Mateo 13:44 - El Nuevo Testamento

⁴⁴ ’Ti jii no tetuanxin ndo Dio tonꞌen xranchi tomi tsango tjintee jixrabaa. Ko naa ngisen kuitja tomi meꞌe ko sen meꞌe íjngo juabaa sen tomi. Ko tsango chéꞌe sen, méxin sakjui sen kuinchekji sen kain ti chónda sen ko tomi tsjejo sen meꞌe tseꞌnaxin sen nunte ti no jixrabaa tomi kuitja sen.

Mateo 13:44 Referans Kwoze

Colosenses 2:3

Ko jeꞌe ndo noꞌe ndo kain ngeꞌe noꞌe ndo Dio, meꞌe ti ícha tjintee.

San Lucas 14:33

Jaña, jaꞌanta kaxon siá tsintueꞌanta kain ti chondanta, juaꞌi xrokjannta chujnina.

Mateo 6:21

Ixi ti no jii ti tsango tjintee chondanta, ntiꞌa tsakeꞌe asáanta kaxon.

Mateo 19:29

Ko kain sen kuintuꞌe ndoꞌa, ko sen kuintuꞌe ndo kichuu ko jan kichuu, ndotée o̱ janée, janchriꞌe o̱ chjenꞌen o̱ nunteꞌe ixi kuitikaonna sen ko ruaꞌna sen janꞌan, sen meꞌe tsango itsjé ngeꞌe tsayéꞌe sen ko kaxon tsechón sen kain nchakon.

Apocalipsis 3:18

Méxin janꞌan ntakateyanta teꞌnanta ngajin janꞌan oro chaxro tsikachrjexin xroꞌi ixi jaña xrochondanta ngeꞌe nduaxin tjintee ko kaxon manta tjúá tsarianta, ko jaña tsikonꞌani ti turuchunta ko teꞌnanta ngajin janꞌan xro̱a̱n colirio tsintjingi ikonnta ixi jaña chao tsikonnta.

Mateo 19:27

Tjumeꞌe ndo Pedro ndachro ndo: ―Nchána, janꞌanna kuintuꞌana kain ti kuachondana ko ruaꞌananta. ¿Janꞌanna ngeꞌe tsjachana?

Mateo 19:21

Ko ndo Jesús juatingíexin ndo: ―Siá nduaxin tjauan sinchetjúá asáan, nchekjia kain ngeꞌe tjintee chonda, ko tonchjiyeꞌe sen nóa kain tomia. Ko meꞌe xrochónda ti tjintee jii ngajní. Tjumeꞌe tsjiꞌia ko xrokjan jaꞌa naa sen ruaꞌna.

Romanos 15:4

Kain ngeꞌe jitaxin xroon chijnie ndo Dio tsiketaxin ixi jai̱na xrokonoi̱na ngeꞌe jian, ko xrochonꞌenna ngeꞌe tsayéꞌena, maski tangi tsoi̱na, ixi chijnie ndo Dio chjai̱na juachaxin ixi xrochondana juaxruxin.

Mateo 13:24

Tjumeꞌe ndo Jesús juakoxin ndo inaa chijni ndachro jaꞌin: ―Ti tetuanꞌan ndo Dio tonꞌen xranchi naa ngisen kuenga jian nunteꞌe.

Hebreos 10:34

Ko jaꞌanta bikonóeꞌenta kaxon kain sen xraxinꞌin na̱ ngaxinꞌin ndoꞌachjiso, ko tsjangaxinꞌanta ti kuantsjaꞌanta na̱ kain ngeꞌe tjintee kuachondanta, ixi noꞌanta ixi ngajní xrochondanta naa ngeꞌe ícha jian ko naiꞌa tsjexin.

San Juan 6:35

Ko ndachro ndo Jesús: ―Janꞌan meꞌe nutja tajon juachaxin tsechón chujni. Sen tonchjiñeꞌe ngajin janꞌan ítsenꞌa sen jinta, ko sen tsitikaonna, ítsenꞌa sen inda.

Colosenses 3:16

*Chijnie ndo Cristo xrokuetuenꞌen asáanta. Méxin, nchekuenꞌen kichuunta ko nichjeꞌe kichuunta jian ko jian xraxaonnta. Itsje̱nta salmo ko himno ko itsje̱nta ngajin ndo Dio, ko tájonnta juasianta ngajin ndo ngaya asáanta.

Mateo 13:46

Ko nchakon kuitja xa naa ixro tsango tjintee, sakjui xa kuinchekji xa kain ti ngeꞌe tjintee kuachónda xa ko ikjan xa ko kueꞌna xa ixro meꞌe.

Mateo 13:47

Tjumeꞌe ndachro ndo Jesús: ―Ti jii ti tetuanꞌan ndo Dio jii xranchi naa nochaꞌa, ko sen itsé kuchee̱ tjankaꞌngi sen nochaꞌa meꞌe ixi xrotsé sen ngixeꞌi kuchee̱ jingi inda.