Mateo 11:29 - El Nuevo Testamento

²⁹ Titikaonnta ti ndachrja̱n ko toñaoꞌanta ko nchejiéꞌa asáanta xranchi janꞌan ntajiéꞌa aséenna, meꞌe jaña chao juaxruxin tsinteenta.

Mateo 11:29 Referans Kwoze

1 Juan 2:6

Ko sen ndachro ixi nduaxin titikaon sen ndo Dio, xrokonda sincheꞌe sen xranchi juincheꞌe ndo Jesucristo nchakon bakeꞌe ndo ngataꞌa nunte xasintajni.

San Juan 13:15

Ixi janꞌan juako xranchi juintaꞌa, kaxon jaꞌanta sincheꞌenta jaña.

Mateo 7:24

’Méxin ngisen tinꞌen ko titikaon ngeꞌe ndachrja̱n, sen meꞌe ste sen xranchi naa xi xraxaon jian ixi juinchekonchjian xa ndoꞌa xa ngataꞌa itjao.

Hebreos 5:9

Jeꞌe ndo tsango tjúá aséen ndo ko kuitikaon ndo kain ngeꞌe kuituenꞌen ndo; méxin, jeꞌe ndo chónda ndo ijié juachaxin ko tsajon ndo juachaxin meꞌe ngajin sen titikaon ndo ko tsechón sen kain nchakon.

2 Corintios 10:1

Janꞌan Pablo tinóatáana ngajinnta ixi ndo Cristo, ndo tsango jian ko tsango tjuai̱na ndo, ste kaxin na̱ ndachro na̱ ixi nchakon ritjén ngajinnta jeꞌa ntajié aséenna, ko nchakon ritjén ikjín, tsango tojiena.

Mateo 28:20

Ko nchekuenꞌennta sen ixi tsitikaon sen kain ngeꞌe kuetuanꞌan. Ko janꞌan tsakeꞌe ngajinnta kain nchakon hasta tsjexinja nunte xasintajni. Jaña tsonꞌen.

Filipenses 2:5

Jaꞌanta xraxaonnta xranchi xraxaon ndo Cristo Jesús.

Mateo 21:5

Ndachenta chujni tjajna Sión: “Tsjeꞌenta ndo rey naꞌanta ó kui̱i̱ ndo ngajinnta, ko jeꞌe ndo nchejiéꞌa aséen ndo, naa kuntajno jitaꞌa ndo, naa kuntajnochjan, chjenꞌen naa kuntajno, ko tama.” Jaña jitaxin xroon chijnie ndo Dio ó saꞌó.

2 Corintios 10:5

Ko jaña kaxon tjankana ixra̱ ncheꞌe ni tjaunꞌa ixi íkaxin chujni tsichuxin na̱ ndo Dio. Ko ixra̱ ntaꞌana ixi kain ni chónda ijie̱ tsindoxin na̱ ti ndakuaꞌi xraxaon na̱ ko tsitikaon na̱ ndo Cristo.

1 Tesalonicenses 4:2

Ko ó noꞌanta kain ti kuetuanꞌannanta ixi juachaxien Ncháina Jesús.

San Juan 13:17

Siá tienxinnta ko siá sincheꞌenta jiꞌi, juaxruxin tsakeꞌenta.

Mateo 17:5

*Ko xrajinichja ndo Pedro, naa itjui̱ tsango jitóngíxin kuitsía sen ko ngakjenꞌen itjui̱ meꞌe kuinꞌen sen naa tée inaa sen nichja ko ndachro sen jaꞌin: ―Jiꞌin chjanꞌna tsango tjuaꞌa ko tsango juaxruxin ritjén ixi ixra̱ jincheꞌe jeꞌe xjan. Titikaonnta ngeꞌe nichja xjan.

2 Tesalonicenses 1:8

Tsi̱i̱ ndo Jesucristo ixi sinchéña ndo ijie̱ ngajin kain chujni kuitikaonꞌa ndo Dio ni ko kuitikaonꞌa chijni jian nichja Ncháina Jesucristo.

1 Corintios 9:21

Ko nchakon ritjén ngajin ni titikaonꞌa ley, janꞌan ntaꞌa xranchi jeꞌe na̱ ixi jaña tsingijna na̱ tsitikaon na̱ ndo Cristo ko jeꞌa ixi titikaonꞌa ley. Naꞌi janꞌan titikaꞌon ngeꞌe kuetuanꞌan ndo Cristo.

Hechos 7:37

Jeꞌe ndo Moisés ndache ndo ni israelita: “Ndo Dio xroxruanꞌan naa ngisen xronichja chijnie ndo xranchi xruanꞌanna ndo janꞌan ko ndo meꞌe tsachrjenixin ndo ni kichuunta. Titikaonnta ndo.”

San Lucas 8:35

Ko kain ni meꞌe kui̱i̱ na̱ kuitsjeꞌe na̱ ngeꞌe konꞌen ntiꞌa. Ko hora kuiji na̱ ti jii ndo Jesús, bikon na̱ ntiꞌa jii xi kuachrjexin kain espíritue Xixronꞌanxrée. Jii xa tjenka tutée ndo Jesús, ko ó jiá xa manta, ko ndako xraxaon xa, ko kain na̱ xronka na̱.