Mateo 10:5 - El Nuevo Testamento

⁵ Ndo Jesús xruanꞌan ndo sen teyuu ko jaꞌin ndache ndo sen: ―Tjiꞌanta ngajin chujni jeꞌa judío ko tixinꞌanta tjajna Samaria.

Mateo 10:5 Referans Kwoze

San Juan 4:9

Ko nchri samaritana juatingíexin nchra: ―¿Sonda jaꞌa naa chujni judío tjanchiana̱na inda ixi janꞌan naa nchri samaritanana? (Jaña ichro nchra ixi ni judío tjentoꞌa na̱ ni samaritano.)

1 Tesalonicenses 2:16

Méxin, nchakon tjaꞌonna xronichjaꞌana chujni jeꞌa judío chijnie ndo Dio, chijni tajon juachaxin tsechónni kain nchakon, ni judío kuintunaꞌina na̱ tsjakona. Jaña ícha tsama na̱ ijie̱. Ko jai tangi tsonꞌen na̱ ixi ó tsi̱i̱ juañaue ndo Dio ngataꞌa na̱.

San Lucas 17:16

Bakeꞌexin xa ntatuchiꞌin xa ngajin ndo Jesús, ko kuisée xa ngataꞌa nche, kuajon xa juasaya ngajin ndo. Ko xi meꞌe, xi tjajna Samaria.

Hechos 10:45

Tjumeꞌe sen judío tsikikaꞌo ndo Pedro xronka sen ixi ndo Dio kuajon Espíritue ndo, kuayéꞌe sen jeꞌa judío.

San Lucas 9:2

Ko kuetuanꞌan ndo satsji sen sinchekuenꞌen sen na̱ kondee juachaxin tetuanꞌan ndo Dio ko sinchexrjuenꞌen sen ni niꞌe.

Hechos 1:8

*Ko nchakon tsi̱i̱ Espíritue ndo Dio tsayeꞌenta, meꞌe xrochondanta juachaxin tsachrjenta ko xrochronganta ngeꞌe ixra̱ juintaꞌa, nguixin tjajna Jerusalén, ko nunte Judea, ko nunte Samaria, ko nchijíi nunte xasintajni.

San Juan 20:21

Tjumeꞌe ndachro ndo Jesús: ―Juaxruxin stenta. Xranchi Ndotána xruanꞌanna ndo juiꞌi ntiꞌi, jaña janꞌan xruanꞌannta.

San Juan 7:35

Ko ni judío juangíxin na̱ juanchangiꞌe kichuu na̱: ―¿No satsji xa ixi juaꞌi tsitjana xa? ¿Á tsji xa ngajin ni judío stekjenꞌen ngajin ni nichja ngigua griego ixi sinchekuenꞌen xa na̱ ntiꞌa?

San Juan 4:5

Ko kuiji ndo naa tjajna Sicar nunte Samaria, tjenka nunte tsikajon ndo Jacob kuayéꞌe chjenꞌen ndo, ndo José.

San Lucas 10:33

Ko kaxon ntiꞌa jitji naa xi kui̱xi̱n nunte Samaria, ko bikon xa jitsinga xi judío, ko jeꞌe xa bikonóeꞌe xa xi meꞌe.

Mateo 4:15

Nunte Zabulón ko nunte Neftalí ti jii chaꞌo ngandeꞌe ndachaon tuenxin ndajitinga ndatinꞌin Jordán, nunte Galilea ti ste ni chúxinꞌa ndo Dio.

Hechos 8:1

Ndo Saulo naxrajeꞌo xraxaon ndo xranchi ni kóña ndo Esteban. Ko nchakon meꞌe juangíxin na̱ tóña na̱ sen titikaon ndo Jesús tjajna Jerusalén ko kain sen titikaon ndo Cristo kuaxi chjekeꞌe sen sakjui sen nchijíi nunte Judea ko nunte Samaria. Ko jeꞌo sen apóstol tsikincheꞌe ndo Jesús kuituꞌe sen Jerusalén.

San Juan 8:48

Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.

San Juan 4:20

Sen kuachrjenixinna, kuaxraxaonxin sen ndo Dio ijna̱ ntiꞌi. Ko jaꞌanta, ni judíonta ndachronta ixi xrokonda xroxraxaonxinna ndo Dio niꞌngo ijié jii tjajna Jerusalén.

San Lucas 10:1

Tjumeꞌe ndo Jesús kuincheꞌe ndo níikán ko te chujni, ko jeꞌe ndo xruanꞌan ndo sen, yuyu sen, tsitaon sen satsji sen kain tjajna ko nguixin ti no tjaun ndo xrokjui ndo.

Mateo 22:3

Ko xruanꞌan ndo xi nchexrée ndo tsikiyeꞌe xa chujni tsi̱i̱ na̱ kia; ko ni meꞌe chroꞌa na̱ kui̱i̱ na̱.

Marcos 6:7

Ko tjumeꞌe ndo Jesús kuiyeꞌe ndo sen teyuu sen chrikao ndo ko kuaxi kuetuanꞌan ndo ixi yuyu sen itsji sen ko kaxon kuajon ndo juachaxin ixi chao tsantsje sen kain espíritue Xixronꞌanxrée chónda chujni.

San Lucas 9:1

Ko tjumeꞌe ndo Jesús kuetuanꞌan ndo tsonchjiñeꞌe sen teyuu chrikao ndo, ko kuajon ndo juachaxin ixi chao tsantsje sen kain espíritue Xixronꞌanxrée chónda na̱, ko sinchexrjuenꞌen sen ni niꞌe.

San Juan 17:18

Xranchi xruanꞌannanta juiꞌi nunte xasintajni, jaña janꞌan xruanꞌan sen itsji sen ngakjenꞌen chujni nunte xasintajni.