Marcos 7:34 - El Nuevo Testamento

³⁴ Ko tjumeꞌe tsjeꞌe ndo nui ngajní ko kuabaa ndo ko nichjeꞌe ndo xi tienꞌa, ko ndachro ndo: ―¡Efata! ―meꞌe ngigueꞌe sen xrondachro: ¡Xitjeꞌe̱!

Marcos 7:34 Referans Kwoze

San Juan 11:41

Tjumeꞌe kuintjian na̱ ixro. Ko ndo Jesús tsjeꞌe ndo ngajní, ko ndachro ndo: ―Ndotána, tajon juasiana ngajinnta ixi ó kuinꞌennta ngeꞌe ndachrja̱n.

Marcos 6:41

Ko ndo Jesús kua ndo ti naꞌó nutja ko yuu kuchee̱ ko tsjeꞌe ndo ngajní ko kuajon ndo juasie ndo ngajin ndo Dio ko konchrinjin ndo nutja ko chjée ndo sen teyuu chrikao ndo ixi tsonchjeya sen sine kain ni ste ntiꞌa; kaxon konchrinjin ndo ti yuu kuchee̱ ko konchjeya sen ixi sine kain na̱.

Marcos 5:41

Ko ndo Jesús itsé ndo itja xjan ko ngigueꞌe ndo nichjexin ndo xjan, ko ndachro ndo: ―Talita, cumi ―meꞌe xrondachro: Xjanchrichjan, tingatjen.

Hechos 9:34

Ko ndachro ndo Pedro: ―Eneas, ndo Jesucristo sintaxruanꞌan ndo jai. Tingatjen tatsían kaniaꞌa. Ko tjumeꞌe xi Eneas tuinxin bingatjen xa.

San Juan 11:33

Ko bikon ndo Jesús jitsjanga nchri María ko ni judío kuijikao nchra, meꞌe tsango juincheniꞌe ndo.

Marcos 15:34

Ko hora meꞌe séen ndachro ndo Jesús: ―Eloi, Eloi, ¿lama sabactani? ―ngigueꞌe na̱ xrondachro: Ndotána, Ndotána, ¿sonda kuintunantana?

Marcos 8:12

*Ko ndo Jesús kuabaa ndo ko ndachro ndo: ―¿Sonda ni jiꞌi tjanchia na̱ sintaꞌa naa ngeꞌe ijié? Nduaxin ndachrja̱n ixi xroꞌan ngeꞌe sintaꞌa tsikon na̱.

Hechos 9:40

Tjumeꞌe kuetuanꞌan ndo Pedro ixi kain na̱ tsachrje na̱ nduja. Ko bakeꞌexin ntatuchiꞌin ndo ko nichjeꞌe ndo ndo Dio. Ko jitsjeꞌe ndo nchri tsikenꞌen ko ndachro ndo: ―Tabita, tayá. Ko jeꞌe nchra kuantjeꞌe ikon nchra ko bikon nchra ndo Pedro ko bakeꞌe nchra nunte.

San Juan 11:43

Ko juexin ndachro ndo jiꞌi, séen kuyako ndo: ―¡Lázaro, tachrjexian ña̱!

Hebreos 4:15

Ko ndotánai̱na, ndo ícha tetuanꞌan, chao tsikonóaꞌina ndo nchakon Xixronꞌanxrée tjaun xa sincheyai̱na xa xranchi tjaun xa xrojuincheyeꞌe xa ndo Jesús ko jeꞌe ndo juacha ndo ko xroꞌan ijie̱ kuama ndo.

San Juan 17:1

Ó juexin ndachro ndo Jesús kain jiꞌi, tjumeꞌe tsjeꞌe ndo ngajní ko ndachro ndo: ―Ndotána, ó kuiji nchakon. Chje̱ꞌénta Chjanꞌanta juachaxin ixi kaxon Chjanꞌanta xrotjáanta xjan juasaya.

San Juan 11:38

Ko tsango koniꞌe aséen ndo Jesús ko konchjiñeꞌe ndo ti no tsixrabaa xi Lázaro. No tsixrabaa xa naa itjao̱ meꞌe ko nduja tsikijee̱xin na̱ naa ixro.

San Juan 11:35

Ko tsjanga ndo Jesús.

San Lucas 19:41

Ti kuiji ndo Jesús tjajna Jerusalén, bikon ndo tjajna, jeꞌe ndo tsjangaxin ndo tjajna meꞌe,

San Lucas 18:42

Ko ndo Jesús ndachro ndo: ―¡Chao tsikuan!, ixi chuntia meꞌe koxruanꞌan.

San Lucas 7:14

Ko tjumeꞌe ndo Jesús konchjiñeꞌe ndo ko bakeꞌe ndo itja ndo ngataꞌa nta̱a̱ jiá chán, ko ni jitikao nta̱a̱ chónꞌen na̱. Ko ndo Jesús ndache ndo chán tsikenꞌen: ―Janꞌan ntatjua: ¡Chajan tingatjen!

Marcos 1:41

Ko ndo Jesús bikonóeꞌe ndo xa ko bakeꞌe ndo itja ndo ngataꞌa jaa xa ko ndachro ndo: ―Jaán tjaꞌon; toxruanꞌan.

Marcos 7:35

Ko tuinxin xitjeꞌe̱ ndatsjon xi tienꞌa ko kuinꞌen xa ko koxruenꞌen nejen xa, ko jian nichja xa.