Marcos 6:15 - El Nuevo Testamento

¹⁵ Ko kaxin na̱ ndachro na̱: ―Jiꞌi ndo Elías kuachronga chijnie ndo Dio. Ko ikaxin na̱ ndachro na̱: ―Jiꞌi naa ndo kuachronga chijnie ndo Dio ó saꞌó.

Marcos 6:15 Referans Kwoze

Mateo 21:11

Ko itsjé na̱ ndachro na̱: ―Jiꞌi ndo Jesús chronga chijnie ndo Dio, ndo tjajna Nazaret tikinixinꞌen nunte Galilea.

Marcos 8:28

*Ko jeꞌe sen ndachro sen: ―Kaxin na̱ ndachro na̱ ixi jaꞌanta ndo Juan Bautista ko ikaxin na̱ ndachro na̱ ixi jaꞌanta ndo profeta Elías ko ikaxin na̱ ndachro na̱ ixi jaꞌanta naa sen profeta kuachronga chijnie ndo Dio ó saꞌó.

Mateo 16:14

*Ko jeꞌe sen ndachro sen: ―Kaxin na̱ ndachro na̱ ixi jaꞌanta ndo Juan batikitée chujni ko ikaxin na̱ ndachro na̱ ixi jaꞌanta ndo Elías ko ste ikaxin na̱ ndachro na̱ ixi jaꞌanta ndo Jeremías o̱ ngixeꞌi inaa sen kuachronga chijnie ndo Dio ó saꞌó.

San Juan 9:17

Tjumeꞌe juanchangiꞌe na̱ xi batikonꞌa íjngo: ―¿Jaꞌa ngeꞌe ndachrua ixi xi juintaxruanꞌan? Ko jeꞌe xa ndachro xa: ―Janꞌan ndachrja̱n ixi jeꞌe ndo naa ngisen nichja chijnie ndo Dio.

San Juan 7:40

Ko kaxin na̱, nchakon kuinꞌen na̱ ngeꞌe ndachro ndo Jesús, ndachro na̱: ―Á nduaxin xi jiꞌi xi profeta xrokui̱i̱.

San Juan 6:14

Ko ni juine nutja bikon na̱ ti ixra̱ ijié juincheꞌe ndo Jesús ko ndachro na̱: ―Ndo meꞌe nduaxin ndo tsixruaꞌan ndo Dio tsi̱i̱ nunte xasintajni.

San Juan 1:25

ko juanchangiꞌe na̱ ndo: ―Siá jeꞌa jaꞌa ndo Cristo, ko jeꞌa ndo profeta Elías, ko kaxon jeꞌa ndo profeta stechónꞌen na̱, ¿sonda tikitée na̱ tjumeꞌe?

San Juan 1:21

Tjumeꞌe íjngo juanchangiꞌe xa ndo: ―¿Ngisen jaꞌa tjumeꞌe? ¿Á ndo kuachronga chijnie ndo Dio ó saꞌó, ndo Elías? Ko ndo Juan ndachro ndo: ―Jeꞌa jeꞌe ndo janꞌan. Tjumeꞌe juanchangiꞌe xa ndo: ―¿Á jaꞌa ndo xrochronga chijnie ndo Dio, ndo xrokui̱i̱? Ko juatingíexin ndo: ―Naꞌi.

San Lucas 9:19

*Ko jeꞌe sen ndachro sen: ―Kaxin na̱ ndachro na̱ ixi jaꞌanta ndo Juan Bautista; ko ikaxin na̱ ndachro na̱ ixi jaꞌanta ndo profeta Elías; ko ícha na̱ ndachro na̱ ixi jaꞌanta naa sen profeta tsixechón.

San Lucas 9:8

Ko ikaxin na̱ ndachro na̱ ixi ndo kuachronga chijnie ndo Dio ó saꞌó, ndo Elías, konoxin íjngo, ko ikaxin na̱ ndachro na̱ ixi inaa ndo kuachronga chijnie ndo Dio kui̱i̱ ícha saꞌó, ko jai xechón ndo íjngo.

San Lucas 7:39

Ko bikon xi fariseo tsikiyeꞌe ndo Jesús, ko jeꞌe xa xraxaon xa: “Á nduaxin ndo jiꞌi naa ndo chronga chijnie ndo Dio, siá nduaxin meꞌe, jeꞌe ndo xrokonoꞌe ndo ngisen jinéma ixi ndakon tutée ndo, ko ngisen nchri jiꞌi; xrokonoꞌe ndo ixi nchri jiꞌi tsango ndakoꞌa ncheꞌe nchra.”

San Lucas 7:16

Ko nchakon bikon na̱ jaña konꞌen, kain na̱ tsango xronka na̱ ko juangíxin na̱ kuajon na̱ juasie na̱ ngajin ndo Dio ko ndachro na̱: ―Ndo Dio xruanꞌan ndo naa ndo nichja chijnie ndo, ndo meꞌe tsango chónda ndo juachaxin. Ko kaxon ndachro na̱: ―Ndo Dio kui̱i̱ ndo tsingijna ndo tjajnée ndo.

San Lucas 1:17

Jeꞌe ndo Juan tsitaon ndo tsjendueꞌe ndo chaꞌo tsi̱ꞌxi̱n Ncháina, ko xrochónda ndo xrajeꞌo juachaxin xranchi kuachónda ndo profeta Elías, ko xronichjeꞌe ndo aséen ndotée ichjan tsoñaoꞌa na̱ ngajin chjenꞌen na̱, ko kain ni titikaonꞌa ndo Dio tsonoꞌe na̱ xranchi tsitikaon na̱ ndo ko jian sincheꞌe na̱ ixi tsi̱i̱ Ncháina Cristo.

Marcos 6:16

Ko kuinꞌen xi Herodes ko ndachro xa: ―Jiꞌin ndo Juan, ndo kuetuanꞌan konchrinjin na̱ jaa ndo, ndo meꞌe ó tsixechón ndo.