Marcos 5:7 - El Nuevo Testamento

⁷ ko séen kuyako xa: ―¿Sonda nchexronkana Jesús, chjenꞌen ndo Dio jii ngajní? Janꞌan tjaunꞌa sinchexronkana.

Marcos 5:7 Referans Kwoze

Mateo 8:29

Ko xi meꞌe kuaxi kuyako xa ko ndachro xa: ―¿Sonda nchexronkana, Jesús, Chjenꞌen ndo Dio? ¿Á ó juiꞌia ixi sinchexronkana maski xratiꞌa nchakon sinchéña ijie̱ ngajinna?

Hechos 16:17

Ko nchrichajan meꞌe kuaxi nchrichan ruéꞌe nchrichan ndo Pablo ko janꞌanna ko tjumeꞌe séen nichja nchrichan: ―Sen jiꞌi ncheꞌe sen xrée ndo Dio jii ngajní ko tjako sen chaꞌo tsechónxin chujni.

Judas 1:6

Kaxon jaña konꞌen sen ángel, sen kuitikaonꞌa ti kuetuanꞌan ndo Dio ko kuintuꞌe sen juachaxin tsikajon ndo Dio tsikayéꞌe sen, ko kuintuꞌe sen ti jian kuintee sen ko jai kuetuanꞌan ndo ixi stejeꞌe̱ sen ti naxixeꞌe, stechónꞌen sen tsijija nchakon tsoñeꞌe sen ijie̱.

Mateo 26:63

Ko ndo Jesús nichjaꞌi ndo. Ko ndachro xitaana ícha tetuanꞌan: ―Janꞌan tituanꞌan ixi nombrée ndo Dio, ndo jichón, ixi xrondachijiana, ¿á jaꞌa ndo Cristo, Chjenꞌen ndo Dio?

Apocalipsis 12:12

Méxin jai juaxruxin tsintee kain sen ste ngajní. Ko lastu sen ste ngataꞌa nunte xasintajni ko kain ti jichón chringi ndachaon ixi Xixronꞌanxrée tsango koñao xa ixi xingajinxin xa ngajní ixi ó noꞌe xa íxroꞌan itsjé nchakon chónda xa.

Hechos 19:13

Ko kaxin ni judío bakaji na̱ ko tjaun na̱ tsantsje na̱ espíritue Xixronꞌanxrée ko jeꞌe na̱ jeꞌo ncheyeꞌe na̱ chujni ixi tjaun na̱ xronichja na̱ ixi juachaxien ndo Jesús. Ko bandache na̱ espíritue Xixronꞌanxrée: ―Juachaxien ndo Jesús, ndo tjako ndo Pablo, tetuanꞌanna jaꞌa espíritue Xixronꞌanxrée tachrjexian ntiꞌi.

San Lucas 8:28

Hora bikon xa ndo Jesús, bakeꞌexin xa ntatuchiꞌin xa ngajin ndo ko kuyako xa ko ndachro xa: ―Jesús, chjenꞌen ndo Dio, ¿sonda nchexronkana? Tjanchaꞌana xroꞌan nchena̱na.

Marcos 3:11

Ko kaxin na̱ chónda na̱ espíritue Xixronꞌanxrée ko hora bikon na̱ ndo Jesús bakeꞌexin na̱ ntatuchiꞌin na̱ ngajin ndo. Ko kuyako espíritue Xixronꞌanxrée ko ndachro: ―Jaꞌa chjenꞌen ndo Dio.

Mateo 4:3

Ko Xixronꞌanxrée konchjiñeꞌe xa ti jii ndo Jesús ixi tjaun xa tsakaon xa ndo, méxin ndachro xa: ―Siá nduaxin jaꞌa Chjenꞌen ndo Dio, ndache ixro meꞌe xrokjan xro nutja.

1 Juan 3:8

Ko kain ni ndakoꞌa ncheꞌe, ni meꞌe tikinixinꞌen na̱ Xixronꞌanxrée; ixi Xixronꞌanxrée chónda xa ijie̱ ti xraxrangíxixión kóña nunte xasintajni. Méxin, kui̱i̱ Chjenꞌen ndo Dio ngataꞌa nunte xasintajni ixi sinchetjáña xjan kain ixra̱ ndakoꞌa ncheꞌe Xixronꞌanxrée.

2 Pedro 2:4

Ndo Dio tjáñeꞌa ndo ngeꞌe ndakoꞌa juincheꞌe sen ángel ko maski ángel sen xruanꞌan ndo sen ti naxixeꞌe, stejeꞌe̱ sen ntiꞌa ko jichroaxin sen chika cadena tsitjaja nchakon sinchéña ndo ijie̱ ngajin sen.

Marcos 1:24

―Tintuna̱na, Jesús tjajna Nazaret. ¿Á juiꞌia ixi sinchetjáñana? Janꞌan chuxian ko nóna ixi jaꞌa naa ngisen ícha tjúá tsixruaꞌan ndo Dio.

Mateo 16:16

*Ko ndo Simón Pedro juatingíexin ndo ko ndachro ndo: ―Jaꞌanta ndo Cristo, Chjenꞌen ndo Dio, ndo jichón.

Hebreos 7:1

Ndo Melquisedec naa rey kuetuanꞌan tjajna Salem ko ndotaana neꞌe ndo Dio jii ngajní, kuachrje ndo kuayéꞌe ndo ndo Abraham nchakon kjanxin ndo Abraham ti kue̱to̱kaꞌo ndo ikaxin xi rey ko juacha ndo, ko ndotaana Melquisedec juinchenchaon ndo ndo Abraham.

Hebreos 2:14

Kain chujni ste ngataꞌa nunte xasintajni chónda na̱ ntao ko ijni̱; jaña ndo Jesús nchakon jongíꞌe ndo kaxon kuachónda ndo ntao ko ijni̱ xranchi chujni, meꞌe chao kuenꞌen ndo ixi juinchejexin ndo juachaxin kuachónda Xixronꞌanxrée, xi tituenꞌen ti tenꞌen chujni.

Hechos 8:36

Ko stetatsinga sen ti no jii inda, meꞌe ndachro xi eunuco: ―Ntiꞌi jii inda. ¿Á juaꞌi tsikitéexinna ntiꞌi?

San Juan 20:31

Ko ngeꞌe jitaxin xroon jiꞌi, tsikixintaxin ixi tsitikaonnta ixi ndo Jesús meꞌe ndo Cristo, Chjenꞌen ndo Dio, ixi siá tsitikaonnta ndo, xrochondanta juachaxin tsaricho̱nnta kain nchakon.

San Lucas 6:35

Ko jaꞌanta xrotjueꞌenta ngisen ningakonꞌannta, ko sincheꞌenta jian ngajin ni tjaunꞌanta. Kaxon sinchekjennta na̱ naa ngeꞌe, ko xroꞌan ngeꞌe xrochonꞌénnta tsayeꞌenta. Jaña jaꞌanta tsayeꞌenta naa ngeꞌe jian ixi jaꞌanta xrokjannta chjenꞌen ndo Dio jii ngajní, ixi jeꞌe ndo Dio kaxon jaña ncheꞌe ndo, tajon ndo kueya ngeꞌe ngajin ni tajonꞌa juasaya ko ni ndakoꞌa ncheꞌe.

San Lucas 4:34

―Tintuna̱na, Jesús tjajna Nazaret. ¿Á juiꞌia ixi sinchetjáñana? Janꞌan chuxian ixi jaꞌa naa ngisen ícha tjúá xruanꞌan ndo Dio.

San Lucas 1:32

Ko jeꞌe xjan tsango tsetuanꞌan xjan, ko tsinꞌin xjan chjenꞌen ndo Dio jii ngajní. Ko jeꞌe Ncháina ndo Dio xrochjée xjan juachaxin tsetuanꞌan xjan xranchi baketuanꞌan ndotáchriꞌe xjan xranchrjen, ndo David.

Marcos 14:61

Ko ndo Jesús tenko ndo, xroꞌan ngeꞌe juateꞌe ndo. Ko xitaana tetuanꞌan ndachro xa íjngo: ―¿Á jaꞌa ndo Cristo, Chjenꞌen ndo Dio tsango tjúá?

Romanos 16:20

Ndo Dio, ndo tsango tajon ndo juaxruxin, ó tuinxin tsantsjeꞌe ndo Xixronꞌanxrée ti tituanꞌan xa. Ko Ncháina Jesucristo sintanchaonnta ndo.

Marcos 5:6

Ko ikjín bikon xa ndo Jesús ko binga xa konchjiñeꞌe xa ko bakeꞌexin ntatuchiꞌin xa ngajin ndo

Marcos 5:8

Jaña ndachro xa ixi tsindachro ndo Jesús: ―Jaꞌa espíritu ñaꞌi, tachrjexian xi ña̱.

Santiago 2:19

Jaꞌa titikáoan ixi jeꞌo naa ndo Dio jii ko jaña jian xraxaoan, ko kaxon espíritue Xixronꞌanxrée jaña titikaon ko xranga ixi xronka.