Marcos 11:14 - El Nuevo Testamento

¹⁴ Ko ndo Jesús nichjeꞌe ndo nta̱a̱ meꞌe: ―Í xroꞌan ngisen sine itu tsajuan. Ko sen teyuu chrikao ndo kuinꞌen sen jaña ndachro ndo.

Marcos 11:14 Referans Kwoze

Mateo 21:19

Ko bikon ndo naa nta̱a̱ tu higo ngandeꞌe chaꞌo ko konchjiñeꞌe ndo ti jii nta̱a̱, ko xroꞌan itu kuitja ndo, jeꞌo ika chónda nta̱a̱. Méxin ndache ndo nta̱a̱: ―Kainko nchakon xroꞌan itu xrochónda. Ko nta̱a̱ tu higo tuinxin xema nta̱a̱.

San Juan 15:6

Ko ngisen jitseniꞌa janꞌan, ni meꞌe jii na̱ xranchi chaan nta̱a̱ tjankana ndáꞌa ixi xroxema nta̱a̱ ko tsjaaka na̱ nta̱a̱.

Mateo 7:19

*Kain nta̱a̱ tajon itu xroꞌan xrée xrokonda xrochrijin nta̱a̱ ko xroche nta̱a̱.

Mateo 3:10

*Ko jacha ó jichónꞌen jacha xrochrijinxin nueꞌe nta̱yua ixi kain nta̱a̱ tajonꞌa itu jian xrokonda xrochrijin nta̱a̱ ko xroche nta̱a̱.

Apocalipsis 22:11

Tintuꞌe ni ncheꞌe ti ñaꞌi, ndancheꞌe na̱ ti ñaꞌi ko ni ndakoꞌa ncheꞌe, ntancheꞌe na̱ ti ndakoꞌa, ko sen ncheꞌe ti jian, sincheꞌe sen ícha jian, ko sen titikaon xranchi tjaun ndo Dio, ícha tsitikaon sen.

Mateo 21:44

Ko ngisen tsitsingataꞌa ixro meꞌe naatsenxón sen, ko siá ixro meꞌe tsitsingataꞌa ixro naa chujni, naa tsontsingaxon chujni.

2 Pedro 2:20

Ko ni ó chúxin Ncháina Jesucristo, ndo ncheméꞌe jíee na̱ kuintuꞌe na̱ ngeꞌe ndakoꞌa jii ngataꞌa nunte xasintajni. Ko siá tjumeꞌe tsajon na̱ juachaxin ngajin xi ñaꞌi sincheyeꞌe xa na̱ íjngo, jaña ti ndakoꞌa ícha tsituanꞌan ngajin aséen na̱.

Mateo 21:33

Ndo Jesús ndachro ndo: ―Tsekiꞌanta inaa chijni. Xranchi naa xi kuenga itsjé nta̱a̱ tu uva ngaya chjakée xa. Ko juinchéñeꞌe xa nta̱a̱ tu uva naa korra, ko inge xa ti no tsáñaxin ndée tu uva. Kaxon juinchekonchjian xa naa nta̱a̱ ijié ti no xrotsjéxin xa nchijíi jngiꞌe xa. ’Ko tjumeꞌe juatoya xa nunte meꞌe ngajin kaxin ni ncheꞌe ixra̱ ko nchakon xroxejo tu uva jeꞌe na̱ tsajon na̱ ti tikinixinꞌen xa ko tjumeꞌe sakjui xa ikjín.

Marcos 11:13

Ko bikon ndo ikjín jii naa nta̱a̱ higo chónda kayua ko kuitsjeꞌe ndo á chónda nta̱a̱ itu. Ko bikon ndo ixi xroꞌan tu chónda nta̱a̱, jeꞌo ika ixi jeꞌa nchakuen itu.

Marcos 11:15

Ko kuiji sen tjajna Jerusalén ko ndo Jesús kuixinꞌin ndo niꞌngo ko juangíxin ndo kuantsje ndo kain ni stenchekji ko kain ni steteꞌna. Ko juanka ndo mesa tjasingixixin na̱ tomi ko ntaxitauen ni stenchekji kuntúá,