Marcos 10:52 - El Nuevo Testamento

⁵² Ko ndo Jesús ndache ndo xa: ―Jai chao satjia. Ó koxruanꞌan ixi chuntiana. Ko jeꞌe xi tikonꞌa tuinxin chao bikon xa ko ruéꞌe xa ndo Jesús.

Marcos 10:52 Referans Kwoze

Mateo 9:22

Ndo Jesús tuinxin ngatjia ndo ko bikon ndo nchra, ko ndachro ndo: ―Chjanꞌna, takeꞌé juaxruxin jaꞌa ixi ti chuntiana meꞌe juintaxruanꞌan. Ko jeꞌe nchra koxruenꞌen nchra hora meꞌe.

San Lucas 7:50

Ko tjumeꞌe ndo Jesús ndache ndo nchra: ―Jaꞌa chuntiana ko kuitikaonna, méxin ijie̱ kuachonda koméꞌe ijie̱; méxin, jai juaxruxin satjia.

Marcos 8:25

Ko ndo Jesús bakeꞌe itja ndo íjngo ngataꞌa ikon xa. Ko jeꞌe xa tsjeꞌe xa ko koxruenꞌen xa ko chao bikon xa kain ngeꞌe.

Marcos 5:34

Ko ndachro ndo Jesús: ―Chjanꞌna, jaꞌa koxruanꞌan ixi chuntiana. Jai juaxruxin satjia ixi ó koxruanꞌan.

San Juan 9:32

Ko naiꞌa kuinꞌanna ixi naa ngisen nchexruenꞌen naa chujni xratsijongíexión tikonꞌa.

Mateo 15:28

Tjumeꞌe ndachro ndo Jesús: ―Nduaxin jaꞌa tsango chuntiana. Tsonꞌen xranchi jaꞌa tjauan. Ko hora meꞌe chjenꞌen nchra tuinxin koxruenꞌen xjan.

Hechos 26:18

Méxin, tetuanꞌan satsjia ti ste ni titikaonꞌa ixi tsakintjeꞌe ikon na̱ ko ítsajiꞌa na̱ chaꞌo naxixeꞌe ixi chao meꞌe xrokjan chaꞌo tingasáña ko íxrochóndaꞌi Xixronꞌanxrée juachaxin tsetuenꞌen xa aséen na̱. Ko jai xrochuntiana na̱ janꞌan ko janꞌan tsayáꞌa̱ na̱ ko sintamaꞌa ijie̱ chónda na̱ ko tsayéꞌe na̱ juachaxin tsakeꞌe na̱ ti no tsakeꞌe kain sen titikaonna”, ichro Ncháina Jesucristo.

Marcos 1:31

Ko ndo Jesús konchjiñeꞌe ndo ti jitsinga jan ko itsé ndo itja jan ko juinchengatjen ndo jan. Ko tuinxin kuachrjeꞌe jan súa ko kuajon jan juine sen.

Mateo 21:14

Ko ngaxinꞌin niꞌngo konchjiñeꞌe ni ntakutsin, ni ntarengo ngajin ndo Jesús ko jeꞌe ndo juinchexruenꞌen ndo na̱.

Mateo 12:22

Kaxin chujni bikaꞌo na̱ naa xi niꞌe ixi ndo Jesús sinchexrjuenꞌen ndo xa. Xi meꞌe tikonꞌa xa ko nichjaꞌi xa ixi chónda xa espíritue Xixronꞌanxrée. Ko ndo Jesús juinchexruenꞌen ndo xa ko tuinxin nichja xa ko bikon xa.

San Juan 9:39

Ko ndachro ndo Jesús: ―Janꞌan juiꞌi nunte xasintajni ixi sintaꞌa ijie̱ ngajin chujni, ixi ni tikonꞌa, tsikon na̱, ko ni tikon, tsikonꞌa na̱.

Mateo 11:5

Tekiꞌénta ndo ixi sen tikonꞌa, ó tikon sen, sen ntarengo ó ichrji sen ko sen kuachónda ichin lepra ó koxruenꞌen sen, sen ntakuxro, tinꞌen sen; kaxon sen tsikenꞌen xechón sen ko sen nóa stetinꞌen sen chijnie ndo Dio.

San Lucas 9:48

*ko ndache ndo sen: ―Ngisen tsayéꞌe ichjan jiꞌi ixi titikaonna sen; sen meꞌe tayéꞌe sen janꞌan kaxon. Ko ngisen tsayéꞌena janꞌan, kaxon tsayéꞌe ngisen xruanꞌanna. Méxin, ngisen ícha tjinteꞌa ngakjenꞌennta, sen meꞌe ícha tjintee sen ti tetuanꞌan ndo Dio.

Mateo 8:3

Ko tjumeꞌe ndo Jesús ba̱ke̱ꞌe̱ itja ndo ngataꞌa xa ko ndachro ndo: ―Jaán tjaꞌon. Jai tsachrjaꞌa ichin jiꞌin. Ko juexin ndachro ndo jaña, jeꞌe xa tuinxin kuachrjeꞌe xa ichin meꞌe.