Marcos 10:23 - El Nuevo Testamento

²³ Ko ndo Jesús tsjeꞌe ndo ni ste ntiꞌa, ko ndache ndo sen teyuu chrikao ndo: ―Tsango tangi tixinꞌin ni chónda itsjé ngeꞌe ti tetuanꞌan ndo Dio.

Marcos 10:23 Referans Kwoze

1 Corintios 1:26

Kichuuna, xraxaonnta xranchi kuinchaꞌanta ndo maski tsjéꞌanta noꞌanta ícha xranchi tikon ni ste nunte xasintajni. Ko tsjéꞌa jaꞌanta ko sen ndointa tjinteenta ngajin tjajna.

Santiago 2:5

Jaꞌanta kichuuna tsango tjuaꞌanta, tinꞌennta jiꞌi: Ndo Dio tsikincheꞌe ndo sen nóa jii ngataꞌa nunte ntiꞌi ixi jeꞌe sen ícha tjintee sen ixi chuntia sen ndo Dio, ko sen meꞌe jai tsayéꞌe sen juachaxien ndo ko tsi̱i̱ nchakon tsayéꞌe sen juachaxin tixinꞌin sen ti tetuanꞌan jeꞌe ndo ixi jaña tsindachro ndo tsayéꞌe kain sen tjueꞌe ndo.

San Lucas 18:24

Ko ti bikon ndo Jesús ixi tsango kuechíín xa, ndachro ndo: ―¡Tangi tixinꞌin naa ngisen chónda itsjé tomi ti tetuanꞌan Ndo Dio!

Marcos 3:5

Ko ndo Jesús koñao ndo, ko bikon ndo kain ni ste ntiꞌa, meꞌe koniꞌe aséen ndo ixi tsango ícha aséen na̱. Ko ndache ndo xi niꞌe: ―Tinxe tjáa. Ko jeꞌe xa kuinxe itja xa, ko hora meꞌe koxruenꞌen itja xa.

2 Pedro 1:11

Ko siá jaña sincheꞌenta, ndo Dio xrotjáanta ndo juachaxin tsixinꞌinnta ti no tituanꞌan Ncháina Jesucristo, ndo kuenxin ixi jíei̱na.

Santiago 4:4

Méxin jaꞌanta ikjannta chujni titikaonꞌa ndo Dio. ¿Á noaꞌi jaꞌanta ixi siá tsango tjueꞌenta kain ti ndakoꞌa jii ngataꞌa nunte xasintajni, méxin ikjannta xranchi ni ningakonꞌen ndo Dio? Ngisen tjento ngeꞌe ndakoꞌa tonꞌen ngataꞌa nunte, sen meꞌe juaꞌi tsjento sen ndo Dio.

San Juan 3:5

Ko ndo Jesús ndachro ndo: ―Nduaxin ntatjua: ixi ngisen tsjongíexinꞌa inda ko Espíritue ndo Dio juaꞌi tsixinꞌin sen ti tetuanꞌan ndo Dio.

Marcos 10:15

*Ko xrontatjunta ixi ngisen xrokjanꞌi xranchi naa ichjan nchíín juaꞌi tixinꞌin sen ti tetuanꞌan ndo Dio.

Marcos 5:32

Tjumeꞌe bingatjia ndo ko tsjeꞌe ndo nguixin ixi tsonoꞌe ndo ngisen itsé mantée ndo.

Mateo 18:3

*ko ndachro ndo: ―Nduaxin ntatjunta ixi siá tjaunnta tsixinꞌinnta ti tetuanꞌan ndo Dio, xrokonda tsindoxinnta ko tsaxi sincheꞌenta xranchi ncheꞌe naa xjan nchíín.

Marcos 10:22

Ko kuinꞌen xa jaña ko tsango kuechíín xa ko sakjui xa, ixi tsango kueya ngeꞌe kuachónda xa.