San Lucas 6:30 - El Nuevo Testamento

³⁰ Ko siá xrojan ngisen tsjanchaꞌanta ngeꞌe chondanta, tájonnta; ko siá xrojan ngeꞌe tsantsjaꞌanta na̱, íncheniaxinꞌanta.

San Lucas 6:30 Referans Kwoze

2 Corintios 8:9

Jaꞌanta noꞌanta ixi Ncháina Jesucristo, jeꞌe ndo kuachónda ndo kain ti tjintee, ko ixi tsango tjuaꞌanta ndo, méxin, kui̱i̱ ndo nunte xasintajni ko ikjan ndo xranchi naa ni nóa ixi jaña jaꞌanta xrochondanta kain ti tjintee.

Hechos 20:35

Jaña juako ngajinnta ixi sincheꞌenta ixra̱ ko tsingijnanta ni xroꞌan ngeꞌe chónda ngeꞌe. Ko xraxaonnta ti tsindachro Ncháina Jesús: “Ícha juaxruxin takeꞌe sen tajon, ixi sen tayéꞌe.”

Mateo 6:12

Ko jaꞌanta ncheméꞌenta kain ti ndakoꞌa juintaꞌana xranchi janꞌanna ntamáꞌana ngaya aséena̱na ti ndakoꞌa juinchena̱na ikaxin chujni.

San Lucas 18:22

Ko kuinꞌen ndo Jesús ngeꞌe ichro xa, ko jeꞌe ndo juatingíexin ndo: ―Xratitjáña naa ngeꞌe sincheꞌe. Nchekjia kain ngeꞌe chonda ko tonchjeyeꞌé ni nóa tomi meꞌe, ko xrochónda ngeꞌe ícha tjintee ngajní. Ko tjumeꞌe tsjiꞌia ruaꞌna̱na.

San Lucas 12:33

Nchekjinta ti chondanta ko chje̱ꞌénta tomi ni nóa; ko tjumeꞌe nchekonchjiannta puxa tichjeꞌa, ixi jaña xrochondanta ti ícha tjintee ngajní, ko meꞌe kain nchakon tsakeꞌe ko tsjexinꞌa. Ixi ntiꞌa juaꞌi tixinꞌin xicheꞌe ko ti̱ꞌa kuchi̱i.

San Lucas 11:41

Siá ixi nchijíi asáanta chje̱ꞌénta ni nóa ngeꞌe chondanta, kaxon jaña nchijíi asáanta tsontjúá.

San Lucas 6:38

Ko tájonnta ngeꞌe xrokondeꞌe ikaxin na̱, ko ndo Dio xrotjáanta ndo kain ti xrokondaꞌanta. Ko sinchekaon ndo costáanta jian, tsonteto costa jian, tsontsjenga ndo ko jian xrokaon ixi ícha xrotjáanta ndo. Méxin siá juaxruxin kuajonnta, jaña tsayeꞌenta kaxon.

Mateo 18:35

Ndo Jesús juexin kueki ndo chijni jiꞌi, meꞌe ndachro ndo: ―Jaña kaxon Ndotána jii ngajní sintaꞌanta ndo ngujngu jaꞌanta siá jeꞌa nduaxin sincheméꞌenta ngaya asáanta ti ndakoꞌa juintaꞌanta sen kichuunta.

Efesios 4:28

Ko ngisen saꞌó bake̱e, í sincheꞌa sen jaña. Cháña itja sen sincheꞌexin sen ixra̱ ixi jaña xrochónda sen ngeꞌe tsingijnaxin sen xrojan chujni nóa.

Mateo 5:39

Ko janꞌan ndachrja̱n te̱to̱koꞌinta ni ñaꞌi, ko siá xrojan ni meꞌe tsandeꞌe na̱ itja na̱ ngaya ikonnta, ndatsjonxin jian, takéenta ti ndatsjonxin ikjon kaxon.

San Lucas 6:29

Siá xrojan ngisen tsandeꞌe na̱ tja na̱ ikonnta, tintuꞌenta tsandeꞌe na̱ naa nango. Ko siá xrojan ngisen tsantsjaꞌanta chamaranta, kaxon tájonnta camisáanta.

San Lucas 6:31

*Jaꞌanta ncheꞌenta ngajin na̱ xranchi tjaunnta sincheꞌe na̱ ngajinnta.