San Lucas 5:24 - El Nuevo Testamento

²⁴ Méxin, jai tsjakoꞌanta ixi janꞌan, chjenꞌen ndo Dio, xjan jongíꞌe xranchi chujni, chonda juachaxin ngataꞌa nunte tsantsje ijie̱ chónda chujni. Ko tjumeꞌe ndo Jesús ndache ndo xi niꞌe: ―Janꞌan ntatjua jaꞌa tingatjen ko itsé kaniaꞌa ko satsjia ndúya.

San Lucas 5:24 Referans Kwoze

Apocalipsis 1:13

Ko ngusine ti ya̱a̱to̱ candelero bikon naa ngisen jitsjeꞌe xranchi Chjenꞌen ndo Dio tsijongíꞌe xranchi chujni. Ko manta jiá ndo, meꞌe naa manta jine̱ jikaxin ti tutée ndo ko jiteya ndo naa cinturón tsikóñaxin chika oro.

Hechos 14:10

Ko jeꞌe ndo Pablo séen ndache ndo xa: ―Tingatjen, ndako takeꞌé tutáa. Ko tuinxin bingatjen xa ko chrinka xa, bakeꞌexin xa tutée xa ko chao kuaxi kuaji xa.

Hechos 9:40

Tjumeꞌe kuetuanꞌan ndo Pedro ixi kain na̱ tsachrje na̱ nduja. Ko bakeꞌexin ntatuchiꞌin ndo ko nichjeꞌe ndo ndo Dio. Ko jitsjeꞌe ndo nchri tsikenꞌen ko ndachro ndo: ―Tabita, tayá. Ko jeꞌe nchra kuantjeꞌe ikon nchra ko bikon nchra ndo Pedro ko bakeꞌe nchra nunte.

Hechos 9:34

Ko ndachro ndo Pedro: ―Eneas, ndo Jesucristo sintaxruanꞌan ndo jai. Tingatjen tatsían kaniaꞌa. Ko tjumeꞌe xi Eneas tuinxin bingatjen xa.

Hechos 5:31

Ko jai bakeꞌe ndo Dio ndo Jesús ngajní ndatsjonxin jian ti jii jeꞌe ndo ko kuajon ndo juachaxin ixi jeꞌe ndo tsituanꞌan ndo ko tsantsjeꞌe ndo na̱ ijie̱ ixi ni tjajna Israel xrokjan na̱ xrokuitikaon na̱ ndo Dio, ko meꞌe xrokuitjáña ijie̱ chónda na̱.

San Juan 17:2

Ko jaꞌanta chje̱ꞌénta Chjanꞌanta juachaxin ixi tsetuenꞌen xjan kain chujni ko tsajon xjan juachaxin tsechón sen kain nchakon, kain sen tsichjeꞌenta xjan.

San Juan 11:43

Ko juexin ndachro ndo jiꞌi, séen kuyako ndo: ―¡Lázaro, tachrjexian ña̱!

San Juan 5:27

ko kaxon tsikajon ndo juachaxin ngajin Chjenꞌen ndo sinchéña xjan ijie̱ ixi jeꞌe xjan Chjenꞌen ndo Dio, xjan jongíꞌe xranchi chujni.

San Juan 3:13

Xroꞌan ngisen kuajinꞌin ngajní, jeꞌo Chjenꞌen Ndo Dio, xjan jongíꞌe xranchi Chujni, jeꞌe xjan bakeꞌe xjan ngajní ko kui̱xi̱n xjan ntiꞌa.

San Lucas 8:54

Ko tjumeꞌe ndo Jesús itsé ndo itja xjan ko séen ndachro ndo: ―Jaꞌa xjanchrichjan, tingatjen.

San Lucas 7:14

Ko tjumeꞌe ndo Jesús konchjiñeꞌe ndo ko bakeꞌe ndo itja ndo ngataꞌa nta̱a̱ jiá chán, ko ni jitikao nta̱a̱ chónꞌen na̱. Ko ndo Jesús ndache ndo chán tsikenꞌen: ―Janꞌan ntatjua: ¡Chajan tingatjen!

San Lucas 5:13

Ko ndo Jesús bakeꞌe ndo itja ndo ngataꞌa xa ko ndachro ndo: ―Jaán tjaꞌon; sintaxruanꞌan. Ko tuinxin koxruenꞌen xa.

Mateo 28:18

Ko ndo Jesús konchjiñeꞌe ndo ko ndachro ndo: ―Ijié juachaxin chjána ndo Dio ngajní ko ngataꞌa nunte xasintajni,

Mateo 26:64

Ko ndo Jesús jaꞌin juatingíexin ndo: ―Jaꞌa ndachijiana jaña. Ko janꞌan kaxon xrontatjua ixi jai tsaxi tsikonnta Chjenꞌen ndo Dio, xjan jongíꞌe xranchi chujni, tsakeꞌe xjan ndatsjonxin jian ti jii ndo Dio, ndo tsango tituanꞌan, ko tsikonnta xjan tsi̱ꞌxi̱n xjan ngajní ngakjenꞌen itjui̱.

Mateo 25:31

*’Nchakon xrokjan Chjenꞌen ndo Dio, xjan jongíꞌe xranchi chujni, tsikaꞌo xjan ijié juachaxin ixi tsango tsituanꞌan xjan ko tsi̱i̱ kain sen ángel ko tjumeꞌe tsetaꞌa xjan ntaxitaon ko xrochónda xjan ijié juachaxin.

Mateo 16:13

Hora kuiji ndo Jesús nunte tjajna Cesarea de Filipo meꞌe ndache ndo sen teyuu chrikao ndo: ―¿Ngeꞌe ndachro ni tjajna ixi Chjenꞌen ndo Dio, xjan jongíꞌe xranchi chujni?

Mateo 9:6

Méxin, sintanoꞌanta ixi Chjenꞌen ndo Dio, xjan jongíꞌe xranchi chujni, tsango tituanꞌan xjan ngataꞌa nunte ntiꞌi ixi sincheméꞌe xjan ti ndakoꞌa juincheꞌe chujni. Tjumeꞌe ndache ndo xi niꞌe: ―Tingatjen, tama kaniꞌa ko satjia ndúya.

Mateo 4:24

Ko kain ti ixra̱ jian kuancheꞌe ndo, meꞌe konoꞌe ni ste nunte Siria ko bikaꞌo na̱ kain ni kuachónda ngixeꞌi ichin ko ni chónda espíritue Xixronꞌanxrée, ni bakendáa, ko ni juaꞌi itji, ko ndo Jesús juinchexruenꞌen ndo na̱.

San Lucas 5:18

Nchakon meꞌe kui̱i̱ kaxin na̱ bikaꞌo na̱ naa xi jitsingataꞌa kania, xi meꞌe juaꞌi nchetengi tutée xa. Ko tjaun na̱ xrokuixinꞌin na̱ kao xi niꞌe ngaxinꞌin nchia ixi xrobakeꞌe na̱ xa ngajin ndo Jesús.

San Lucas 5:23

¿Ngeꞌe ícha tangiꞌa xrontatjan xi niꞌe? ¿Á ícha tangiꞌa xrontatjan xa ixi ó koméꞌe ti ndakoꞌa juincheꞌe xa?, o̱, ¿á tsingatjen xa ko tsajixin xa tutée xa?