San Lucas 23:22 - El Nuevo Testamento

²² Nínxin juanchangi xi Pilato: ―¿Ngeꞌe ndakoꞌa juincheꞌe xi jiꞌi? Janꞌan titjaꞌi ijie̱ tsikinixin tsenxin xa. Janꞌan tsetuanꞌan tsikaon xa, ko tjumeꞌe tsajanda xa satsji xa.

San Lucas 23:22 Referans Kwoze

San Lucas 23:14

ko ndache xa na̱: ―Jaꞌanta bikuunta xi jiꞌi, ko ndachronta ixi nchexronka xa ni tjajna, ko jaꞌanta kuinꞌennta ngeꞌe juanchangiꞌa xa, ko janꞌan kuitjaꞌi ijie̱ ngajin xa, xranchi jaꞌanta ndachronta.

1 Pedro 3:18

Ixi kaxon ndo Cristo jeꞌo naa kuenꞌen ndo ixi jíei̱na. Jeꞌe ndo jian ndo ko kuenxin ndo ixi jai̱na ni ñaꞌi, ixi jaña tsjentona ngajin ndo Dio. Ndo Cristo kuenꞌen cuerpoe ndo ko Espíritue ndo Dio juinchexechón ndo.

1 Pedro 1:19

Kuenaxinnta ndo ixi jnié ndo Jesucristo, ijni̱ tsango tjintee ko meꞌe kuayéꞌe ndo Dio, xranchi xrokjui naa kutuchjon xroꞌan ngeꞌe xeꞌe ba ko jeꞌa niꞌe ba.

San Lucas 23:20

Ko xi Pilato íjngo ndachro xa tsajanda xa ndo Jesús.

San Lucas 23:16

Ko tsetuanꞌan tsikaon xa, ko tjumeꞌe tsajon juachaxin satsji xa.

San Lucas 23:4

Ko tjumeꞌe xi Pilato ndache xa xitaana tetuanꞌan ko ni bikao ndo Jesús: ―Xroꞌan ijie̱ titja janꞌan ngajin xi jiꞌi.

San Lucas 23:21

Ko jeꞌe na̱ ícha séen kuyako na̱: ―¡Tjankanitua xa nta̱cru! ¡Tjankanitua xa nta̱cru!

San Lucas 23:23

Ko jeꞌe na̱ ícha séen kuyako na̱ ko ndache na̱ xi Pilato tsjankanito xa ndo Jesús nta̱cru. Séen kuyako na̱ ko kaxon kuyako kain xi taana, xi tetuanꞌan, ko juacha na̱ ngeꞌe tjaun na̱.