San Lucas 20:21 - El Nuevo Testamento

²¹ Méxin juanchangi xi stetsjaya ndo Jesús: ―Maestro, nónana ixi kain ti nichjanta ko ti tjakonta meꞌe ti nduaxin ko ti tjaun ndo Dio, ko jaꞌanta tincheꞌanta kaxion chujni, ixi jaꞌanta tjueꞌenta kain na̱.

San Lucas 20:21 Referans Kwoze

Mateo 22:16

Méxin xruanꞌan xa kaxin xi nchekuenꞌen xa ko kaxin xi nchexrée xi Herodes ixi tsjanchangíꞌe xa ndo Jesús jaꞌin: ―Maestro, konónana ixi jaꞌanta jeꞌo ti nduaxin nichjanta, ko ndako tjakonta chijnie ndo Dio, ko jaꞌanta taꞌinta juachjaon ngeꞌe nichja chujni, ixi jaꞌanta tsjeꞌenta aséen chujni.

Gálatas 1:10

Ko jai, ¿á tjaꞌon janꞌan ixi chujni tsitikaon na̱ ngeꞌe ntaꞌa o̱ ndo Dio tsitikaon ndo?, o̱, ¿á tjaꞌon ixi chujni sincheꞌe juaxruxin ngeꞌe ntaꞌa? Siá meꞌe xrokjuintaꞌa janꞌan, í jeꞌa naa nchexrée ndo Cristo janꞌan.

2 Corintios 2:17

Ko janꞌanna tjanchaꞌina tomi ixi tjakona chijnie ndo Dio xranchi ncheꞌe ikaxin na̱. Naꞌi. Janꞌanna ixi nchijíi aséena̱na tjakona chijnie ndo ixi jeꞌe ndo kuinchana̱na ndo sintaꞌana ixra̱ ngajin ndo Cristo.

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

Marcos 12:14

Ko kuiji na̱ ti jii ndo ko ndachro na̱: ―Maestro, nónana ixi jaꞌa nichja ti nduaxin ko taꞌia juachjaon ixi ngeꞌe xroxraxaon chujni ixi nduaxin nchekuenꞌén na̱ chijnie ndo Dio. Méxin, ndachijiana, ¿á chao tsjengana ꞌna̱ ngajin xi tetuanꞌan, tomi tjanchia xa, o̱ naꞌi?

Gálatas 2:6

Ko sen niꞌngo titaonꞌen sen kichuuna, xroꞌan ngeꞌe natjúá juakoꞌna sen. Ko janꞌan kondanaꞌi á nduaxin tituanꞌan sen o̱ naꞌi ixi janꞌan nóna ixi ndo Dio tincheꞌa ndo kaxion chujni ixi á noꞌe o̱ á noeꞌa.

San Lucas 20:20

Méxin xruanꞌan xa kaxin xi xrotsjaya xa ndo Jesús ko xi meꞌe sincheꞌe xa xranchi ngisen tsango jian ko nduaxinꞌa, xi meꞌe stechónꞌen xa ixi nchéxin tsinꞌen xa xronichja ndo Jesús naa ngeꞌe ndakuaꞌi ixi jaña tsjangíꞌe xa ndo ngajin xi tetuanꞌan.

San Lucas 20:22

Ko jai ndachijinnta: ¿á chao tsjengana ꞌna̱ ngajin xi tetuanꞌan, o̱ á naꞌi?