San Lucas 11:39 - El Nuevo Testamento

³⁹ Ko ndo Jesús ndachro ndo: ―Jaꞌanta xi fariseo nchetjúánta tuenxin vaso ko laato, ko ti ngaya asáanta jikaon kain ti chjuyaꞌanta ko ñaꞌinta.

San Lucas 11:39 Referans Kwoze

Santiago 4:8

Tonchjiñeꞌe jaꞌanta ngajin ndo Dio, ko kaxon jeꞌe ndo tsonchjiñeꞌe ndo ngajinnta. Nchetjúá asáanta kain jaꞌanta ti tjueꞌenta ngeꞌe ndakoꞌa jii ngataꞌa nunte ko kaxon tjaunnta xrotjueꞌenta ndo Dio.

Tito 1:15

Ni jian xraxaon, kain ngeꞌe ncheꞌe na̱ tjúá kaxon. Ko ngisen ndakoꞌa xraxaon, xroꞌan ngeꞌe jian xraxaon na̱ ko kain ngeꞌe xraxaon na̱, tjúáꞌi.

Hechos 5:3

Méxin, ndo Pedro ndachro ndo: ―Ananías, ¿sonda chje̱ꞌé juachaxin Xixronꞌanxrée kuixinꞌin xa ntakuian ixi xrojuincheyeꞌé Espíritue ndo Dio ko xrokuituaꞌa tuꞌya tomi tsinchekjixian nunte?

Mateo 15:19

Ixi aséen chujni tachrjexin ti jianꞌi ko kain ti ndakoꞌa xraxaon na̱, ti naatsóñaxón naa chujni, ko ti tsekao na̱ inaa nchri, nchri jeꞌa nchrinchriꞌe na̱, ko jeꞌo xraxaon na̱ xrochónda itsjé nchri, ko ti tjaun na̱ tse̱e na̱, ko ti ncheya na̱ ko ti tengeꞌe kichuu na̱ teka.

Mateo 7:15

’Tsjeꞌenta jian ixi kueya ni ndachro ixi jeꞌe na̱ nichja na̱ chijnie ndo Dio ko nduaxinꞌa. Jeꞌe na̱ tetsáa na̱ xranchi naa kutuchjon, ko ngaya aséen na̱ ncheꞌe na̱ xranchi naa kundanixra tsango jieꞌe.

Gálatas 1:14

*Ko janꞌan nchakon bakitikaꞌon ley neꞌe sen judío, janꞌan ícha bakitikaꞌon ixi kain sen tjajnána, sen yaxinkiꞌan nano, ko ícha bantaꞌa ngeꞌe tsiketuanꞌan sen tachríꞌina xranchrjen.

San Juan 12:6

Ko xi Judas jeꞌa ndachro xa jaña ixi tikonóeꞌe xa ni nóa. Naꞌi. Ndachro xa jiꞌi ixi chéꞌe xa, ko jeꞌe xa tsjeꞌe xa ngeꞌe tjinga tomi ko kain nchakon te̱e xa tomi tsixraꞌo ntiꞌa.

San Lucas 16:15

Ko ndo Jesús ndachro ndo: ―Jaꞌanta tjaunnta tsonoꞌe na̱ ixi jian jaꞌanta ko jeꞌa nduaxin meꞌe, ixi ndo Dio chúxin ndo asáanta. Méxin ngeꞌe tsango tjueꞌe chujni, ndo Dio ncheꞌa ndo juaxruxin.

San Lucas 7:13

Hora bikon ndo Jesús nchri meꞌe, bikonóeꞌe ndo nchra ko ndachro ndo: ―Ítsjangaꞌia.

2 Timoteo 3:5

Jeꞌe na̱ sincheꞌe na̱ xranchi sen titikaon ndo Dio ko jeꞌa nduaxin meꞌe. Titikaonꞌa na̱ juachaxien ndo Dio. Méxin jaꞌa tingaxintuan ngajin ni jaña ncheꞌe.

San Juan 13:2

Ko ó kui̱i̱ hora sine sen tsokjín, ko Xixronꞌanxrée ó tsixraxinꞌin xa aséen xi Judas Iscariote, ndotée xa ndatinꞌin Simón, sinchekji xa ndo Jesús.

San Lucas 7:19

ko xruanꞌan ndo sen tsitsjeꞌe sen ndo Jesús tsjanchangíꞌe sen ndo á jeꞌe ndo ngisen tsi̱i̱, o̱ á xrochonꞌen sen tsi̱i̱ inaa ngisen.