San Juan 8:48 - El Nuevo Testamento

⁴⁸ Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.

San Juan 8:48 Referans Kwoze

San Juan 7:20

Ko jeꞌe na̱ juateꞌe na̱: ―Jaꞌa chonda naa espíritue Xixronꞌanxrée. ¿Ngisen tjaun tsóñaxion?

San Juan 8:52

Ko juateꞌe ni judío: ―Jai nóna ixi nduaxin chonda naa espíritue Xixronꞌanxrée. Ndo Abraham ko kain sen kuachronga chijnie ndo Dio saꞌó, kuenꞌen sen. Ko jaꞌa ndachrua ixi siá tsitikaonna ngeꞌe tjakoa, tsenꞌana.

San Juan 10:20

Kueya na̱ ndachro na̱: ―¿Sonda tinꞌenna ingeꞌe ndachro xa? Jeꞌe xa chónda xa espíritue Xixronꞌanxrée ko xraxaonꞌa xa jian.

San Juan 4:9

Ko nchri samaritana juatingíexin nchra: ―¿Sonda jaꞌa naa chujni judío tjanchiana̱na inda ixi janꞌan naa nchri samaritanana? (Jaña ichro nchra ixi ni judío tjentoꞌa na̱ ni samaritano.)

Mateo 15:7

Jaꞌanta ti tjako yuu ikonnta. Nduaxin ti tsindachro ndo Isaías, ndo kuachronga chijnie ndo Dio ó saꞌó:

Mateo 12:24

*Ko kuinꞌen xi fariseo ixi jaña stenichja na̱, méxin ndachro xa: ―Xi Jesús jiꞌi tantsje xa espíritu ñaꞌi ixi chónda xa juachaxien Xixronꞌanxrée, xi tsango ñaꞌi, xi tetuenꞌen kain espíritu meꞌe.

Mateo 10:25

*Ko ngisen jitangi xroxraxaon sen ixi jeꞌo tjintee sen xranchi ndo nchekuenꞌen sen, ko ni nchexra̱ xroxraxaon na̱ ixi jeꞌo tsituanꞌan na̱ xranchi nchée na̱. Ixi siá ndotata juinchekinꞌin na̱ ndo Xixronꞌanxrée, sen ruéꞌe ndo ícha jaiko sinchekinꞌin na̱ sen jaña.

Mateo 10:5

Ndo Jesús xruanꞌan ndo sen teyuu ko jaꞌin ndache ndo sen: ―Tjiꞌanta ngajin chujni jeꞌa judío ko tixinꞌanta tjajna Samaria.

Santiago 2:19

Jaꞌa titikáoan ixi jeꞌo naa ndo Dio jii ko jaña jian xraxaoan, ko kaxon espíritue Xixronꞌanxrée jaña titikaon ko xranga ixi xronka.

Romanos 15:3

Ixi ndo Cristo juincheꞌa ndo jeꞌo ti juincheꞌe ndo juaxruxin. Naꞌi. Jeꞌe ndo kuitikaon ndo ngeꞌe ndachro xroon chijnie ndo Dio: “Tangi juinchenina ti nichjangíꞌe na̱ ndo Dio.”

San Juan 13:13

Jaꞌanta tiyaꞌnantana ngisen tjakoꞌanta ko Ncháanta, ko ndako ndachronta ixi janꞌan ngisen meꞌe.

Hebreos 13:13

Tsachrjena ko ruéꞌena Ncháina Jesús ngandeꞌe tjajna, ko xranchi kain ti chinga juinchekao na̱ ndo, jaña tsituexinna sinchei̱na na̱ kaxon.

Mateo 12:31

Méxin janꞌan ntatjunta chao tsoméꞌe kain ti ndakoꞌa ko ti nichjangí chujni ngajin ndo Dio. Ko ngisen xronichjangíꞌe Espíritue ndo Dio, sen meꞌe juaꞌi tsoméꞌe ti ndakoꞌa nichja sen.

Mateo 11:18

Ixi kui̱i̱ ndo Juan juineꞌa ndo ko kuiꞌa ndo ixi juinchekatse ñao ndo jinta, ko jaꞌanta ndachronta ixi espíritue Xixronꞌanxrée chónda ndo.

San Juan 1:19

Kaxin ni judío, ni tjajna Jerusalén, xruanꞌan na̱ xitaana ko xi tjako ley ngajin ndo Juan ixi tsjanchangíꞌe na̱ ndo: ―¿Ngisen jaꞌa?

San Juan 8:22

Ko ni judío juao kichuu na̱ ko ndachro na̱: ―¿Á tsóña xa aséen xa, méxin ndachro xa ixi juaꞌi itsjina tinó satsji xa?