San Juan 7:39 - El Nuevo Testamento

³⁹ Jaña ndachro ndo Jesús ixi sen titikaon ndo tsayéꞌe sen Espíritue ndo Dio. Ixi xratiꞌa Espíritue ndo ko ndo Jesús xrasatjiꞌa ndo ngajní.

San Juan 7:39 Referans Kwoze

Hechos 2:17

Ndachro ndo Dio: Nchakon tsjexin meꞌe xroxruanꞌan Espírituna tsayéꞌe kain chujni. Ichjan, xjan xi ko xjan nchri, xrochronga xjan chijnina. Ko sen chajan tsikon sen ixra̱ ijié tsjako janꞌan ko sen ó tachríi, tsoxienxin ngeꞌe xrontatjan sen.

Hechos 2:33

Jai ndo Dio bikao ndo ndo Jesús ko jii ndo Jesús ndatsjonxin jian ti jii jeꞌe ndo. Ko kuayéꞌe ndo Jesús Espíritue ndo Dio, ti tsindachro ndo Dio xroxruanꞌan ndo, meꞌe jai xruanꞌan ndo kuayeꞌena. Ko kain jiꞌin ti bikonta ko ti kuinꞌennta.

Hechos 2:4

Ko kain sen kuayéꞌe sen Espíritue ndo Dio, ko tjumeꞌe kain sen kuaxi sen nichja sen inaa ngigua ixi Espíritue ndo Dio kuajon xronichja sen.

San Juan 16:7

Nduaxin, cháña satsji ixi jaꞌanta jian tsakeꞌenta. Ko siá satsjiꞌa tsiꞌa ngisen tsingijnanta. Ko siá satsji, janꞌan xroxruanꞌan ndo tsi̱i̱ ndo.

San Juan 12:16

Ko nchakon konꞌen jiꞌi, sen teyuu chrikao ndo Jesús kuienxinꞌa sen sonda konꞌen. Tjumeꞌe nchakon juexin sakjui ndo Jesús ngajní, xraxaon sen ixi jaña jitaxin xroon tsikjin ni kuachronga chijnie ndo Dio saꞌó, xranchi tsonꞌen ndo, ko nduaxin jaña konꞌen.

Romanos 8:9

Ko jaꞌanta ítitikaonꞌanta ti tjaun cuerpoanta. Jaꞌanta titikaonnta Espíritue ndo Dio, siá nduaxin chondanta Espíritue ndo, ko ngisen chóndaꞌi Espíritue ndo Cristo, tikinixienꞌa na̱ ndo.

Hechos 2:38

Tjumeꞌe juateꞌe ndo Pedro ko ndachro ndo: ―Tintuꞌenta ti ndakoꞌa ncheꞌenta ko titikaonnta ndo Dio. Ko tjumeꞌe tikitéxinnta nombrée ndo Jesucristo ko ndo Dio sincheméꞌe ndo jíanta ko tsajon ndo Espíritue ndo tsayeꞌenta.

San Juan 20:22

Ko kuanotée ndo ngataꞌa sen ko ndachro ndo: ―Tayeꞌénta Espíritue ndo Dio.

San Juan 12:23

Ko ndachro ndo Jesús: ―Ó kuiji hora, ixi Chjenꞌen ndo Dio, Xjan jongíꞌe xranchi chujni, satsji ndo tsayéꞌe ndo juachaxien Ndotée ndo.

Efesios 4:30

Ncheníeꞌanta Espíritue ndo Dio ixi Espíritu kuayéꞌeni tjakoxin ixi jaꞌanta tikinixiꞌennta ndo ko nchakon tsi̱i̱ ndo tsayeꞌenta juachaxin tsaricho̱nnta kain nchakon.

2 Corintios 3:8

Siá jaña bikon sen chjiixro meꞌe, jai ícha tóngíxin chijni natjúá kuayeꞌena ixi juachaxien Espíritue ndo Dio.

Hechos 4:31

Ko juexin nichjeꞌe sen ndo Dio, bengi nunte ti ste sen. Ko kain sen kuayéꞌe sen juachaxien Espíritue ndo Dio ko kuaxi sen chronga sen chijnie ndo Dio ko xrakonꞌa sen.

Hechos 3:13

Naꞌi. Ndo Dio, Nchée ndo Abraham, ndo Isaac, ko ndo Jacob, tsango kuajon ndo ijié juachaxin ngajin Chjenꞌen ndo ndatinꞌin Jesús. Ko jaꞌanta kuajonnta xjan ngajin xi Pilato ko jeꞌe xa tjaun xa xrokuajanda xa ndo Jesús ko jaꞌanta chroꞌanta.

San Juan 17:5

Ko jai Ndotána, chjánanta juachaxin ijié xranchi kuachonda janꞌan nchakon bakeꞌe ngajinnta ti xrakoꞌa nunte xasintajni.

San Juan 14:13

Kain ngeꞌe tsjancheꞌenta Ndotána ixi nombréena, janꞌan sintaꞌa ixi jaña tsjako juachaxien Ndotána.

San Juan 7:12

Ko kueya ni ste ntiꞌa stetjao na̱ kondee ndo Jesús. Kaxin na̱ ndachro na̱: “Jian xi ña̱”; ko ikaxin na̱ ndachro na̱: “Jeꞌa jian xa ixi ncheyeꞌe xa chujni.”

San Juan 6:14

Ko ni juine nutja bikon na̱ ti ixra̱ ijié juincheꞌe ndo Jesús ko ndachro na̱: ―Ndo meꞌe nduaxin ndo tsixruaꞌan ndo Dio tsi̱i̱ nunte xasintajni.

San Juan 1:33

Ko xranónaꞌi ngisen jeꞌe ndo. Ko ngisen xruanꞌanna tsikitée chujni ixi inda, ndo meꞌe ndachijina ndo: “Nchakon tsikuan Espíritue ndo Dio xroxingajinxin ngajní ko tsi̱i̱ ngataꞌa naa ngisen, ndo meꞌe tsikitée ndo na̱ ixi Espíritue ndo Dio.”

San Juan 1:25

ko juanchangiꞌe na̱ ndo: ―Siá jeꞌa jaꞌa ndo Cristo, ko jeꞌa ndo profeta Elías, ko kaxon jeꞌa ndo profeta stechónꞌen na̱, ¿sonda tikitée na̱ tjumeꞌe?

San Juan 1:21

Tjumeꞌe íjngo juanchangiꞌe xa ndo: ―¿Ngisen jaꞌa tjumeꞌe? ¿Á ndo kuachronga chijnie ndo Dio ó saꞌó, ndo Elías? Ko ndo Juan ndachro ndo: ―Jeꞌa jeꞌe ndo janꞌan. Tjumeꞌe juanchangiꞌe xa ndo: ―¿Á jaꞌa ndo xrochronga chijnie ndo Dio, ndo xrokui̱i̱? Ko juatingíexin ndo: ―Naꞌi.

San Lucas 24:49

*Ko janꞌan xroxruanꞌannta ti ngeꞌe ndachro Ndotána. Jaꞌanta tituanꞌanta ntiꞌi tjajna Jerusalén tsayéjanta ijié juachaxin tsi̱ꞌxi̱n ngajní ko meꞌe Espíritue ndo Dio.

San Lucas 7:16

Ko nchakon bikon na̱ jaña konꞌen, kain na̱ tsango xronka na̱ ko juangíxin na̱ kuajon na̱ juasie na̱ ngajin ndo Dio ko ndachro na̱: ―Ndo Dio xruanꞌan ndo naa ndo nichja chijnie ndo, ndo meꞌe tsango chónda ndo juachaxin. Ko kaxon ndachro na̱: ―Ndo Dio kui̱i̱ ndo tsingijna ndo tjajnée ndo.

San Lucas 3:16

Ko ndo Juan ndache ndo kain na̱: ―Janꞌan nduaxin ntatjunta ixi janꞌan tikitéxinnta inda, ko tsi̱i̱ naa ngisen tsikitéxinnta ndo ixi Espíritue ndo Dio ko xroꞌi. Ko jeꞌe ndo ícha ijié juachaxin chónda ndo ixi juachaxin chonda janꞌan. Janꞌan tikinixinnaꞌi tsoxindangaꞌa tjuée katée ndo.

Mateo 16:14

*Ko jeꞌe sen ndachro sen: ―Kaxin na̱ ndachro na̱ ixi jaꞌanta ndo Juan batikitée chujni ko ikaxin na̱ ndachro na̱ ixi jaꞌanta ndo Elías ko ste ikaxin na̱ ndachro na̱ ixi jaꞌanta ndo Jeremías o̱ ngixeꞌi inaa sen kuachronga chijnie ndo Dio ó saꞌó.

San Juan 14:26

Ko Espíritue Ndotána, xroxruanꞌan ndo juachaxin ixi nombréena, ixi tsingijnanta, ko xronichjaꞌanta ndako ko tsjakoꞌanta kain ngeꞌe ko sintaxraxaonnta kain ngeꞌe ntatjunta.

Mateo 21:11

Ko itsjé na̱ ndachro na̱: ―Jiꞌi ndo Jesús chronga chijnie ndo Dio, ndo tjajna Nazaret tikinixinꞌen nunte Galilea.

San Juan 8:54

Ko juateꞌe ndo Jesús, ndachro ndo: ―Siá janꞌon tsajon juasaya ngajin janꞌan, tjinteꞌa jiꞌi. Ko Ndotána chjána ndo juasaya ko jaꞌanta ndachronta ixi jeꞌe ndo, ndo Dio naꞌanta.

San Juan 16:14

Jeꞌe ndo tsajon ndo juasaya ngajin janꞌan ixi tsayéꞌe ndo kain chijnina ko ngeꞌe tikinixinna ko sintanoꞌanta ndo kain jiꞌi.

San Juan 17:1

Ó juexin ndachro ndo Jesús kain jiꞌi, tjumeꞌe tsjeꞌe ndo ngajní ko ndachro ndo: ―Ndotána, ó kuiji nchakon. Chje̱ꞌénta Chjanꞌanta juachaxin ixi kaxon Chjanꞌanta xrotjáanta xjan juasaya.

Hechos 19:2

Ko tjumeꞌe juanchangiꞌe ndo sen meꞌe: ―¿Á kuayeꞌenta Espíritue ndo Dio nchakon kuitikaonnta Ncháina? Ko jeꞌe sen juateꞌe sen: ―Naꞌi, janꞌanna xratianꞌina á jii Espíritue ndo Dio.