San Juan 4:48 - El Nuevo Testamento

⁴⁸ Ko ndachro ndo Jesús: ―Jaꞌanta, titikaonꞌanta siá tsikonꞌanta naa ngeꞌe jian sintaꞌa.

San Juan 4:48 Referans Kwoze

San Juan 20:29

Ko ndache ndo Jesús ndo Tomás: ―Tomás bikonjana, kuitikaoan. Ko ikaxin sen juaxruxin ste sen, maski bikonꞌana sen ko jaña titikaon sen.

Hebreos 2:4

Ko ndo Dio juako ndo ixi nduaxin chijni meꞌe ko juincheꞌe ndo itsjé ixra̱ ijié ko chjai̱na ndo juachaxin tajon Espíritue ndo ko kain jiꞌi konꞌen xranchi jeꞌe ndo tjaun ndo.

1 Corintios 1:22

Ni judío tjaun na̱ xrobikon na̱ naa ixra̱ tsango jié, ko ni griego tjaun na̱ tsonoꞌe na̱ ícha.

Hechos 2:22

’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

San Juan 12:37

Maski ndo Jesús tsijincheꞌe ndo kueya ixra̱ ijié ngato ikon na̱, kuitikaonꞌa na̱ ndo

2 Corintios 12:12

Ti konchrjeꞌana juintaꞌa ixra̱ ngakjenꞌennta ko kain ixra̱ ijié ko kain ixra̱ chaxro juintaꞌa ixi juachaxien ndo Dio ixi janꞌan nduaxin naa apóstolna.

Romanos 15:19

Ixi juachaxien Espíritue ndo Dio juintaꞌa itsjé ixra̱ ijié ko juintakuanꞌan na̱ chijnie ndo Cristo ixi jaña tsechónna kain nchakon. Ko juangíxin juáko tjajna Jerusalén ko kain tjajna tjenka ntiꞌa ko nguixin no Iliria.

Hechos 14:3

Ko jeꞌe sen itsjé nchakon kuituꞌe sen ntiꞌa ko ícha chuntia sen Ncháina Jesús ko xronkaꞌi sen nichja sen chijnie ndo. Ko juachaxien ndo Jesús ícha bakingijna sen ixi ngeꞌe kuanichja sen xranchi ndo Dio tjueꞌe ndo chujni, ko kuajon ndo juachaxin sinchexrjuenꞌen sen chujni ko tsjako sen ijié ixra̱.

Marcos 13:22

Ixi tsi̱i̱ kaxin na̱ xrondachro na̱ ixi jeꞌe na̱ ndo Cristo ko kaxon kaxin na̱ ndakoꞌa tsjako na̱ ko tsjakoxin na̱ naa ixra̱ ijié ixi tjaun na̱ sincheyeꞌe na̱ chujni ko kaxon ngajin sen titikaon ndo Dio.

Mateo 24:24

Ixi tsonoxin kaxin xi xrondachro xa jeꞌe xa ndo Cristo ko kaxin xa xrondachro xa ixi jeꞌe xa nichja xa chijnie ndo Dio ko tsjako xa ijié juachaxin ko ijié ixra̱ sincheꞌe xa, jaña tjaun xa sincheyeꞌe xa chujni tsikincheꞌe ndo Dio.

Hechos 2:43

Ko tjumeꞌe kain chujni xronka na̱ ixi sen apóstol kuincheꞌe ndo Jesús juincheꞌe sen itsjé ixra̱ ijié.

San Juan 2:18

Méxin ni judío juanchangiꞌe na̱ ndo: ―¿Ngeꞌe tjakoxian ixi chao sincheꞌe kain jiꞌi?

San Lucas 16:31

Tjumeꞌe ndachro ndo Abraham: “Siá tjaunꞌa na̱ tsitikaon na̱ chijnie Ndo Dio tsikayéꞌe ndo Moisés jitaxin xroon ko ti tsichronga kain sen profeta, maski tsikon na̱ naa chujni ndakuenꞌen ko xroxechón chujni, tsitikaonꞌa na̱ kaxon.”

2 Tesalonicenses 2:9

*Ko xiñaꞌi meꞌe tsikaꞌo xa ijié juachaxin tsajon Xixronꞌanxrée, ko meꞌe tsjakoxin xa ixi sinchexrjuenꞌen xa chujni ko ikaxin ixra̱ ijié sincheꞌe xa, kain jiꞌi jeꞌa nduaxin, jeꞌo sincheyeꞌe xa chujni.

Hechos 15:12

Ko kain sen tsixraꞌo tenko sen ko tjumeꞌe kuinꞌen sen xranchi ndachro ndo Bernabé ko ndo Pablo ixi ndo Dio bingijna ndo sen juincheꞌe sen itsjé ixra̱ ijié, jaña bikon kaxon ni jeꞌa judío.

Hechos 7:36

Ndo Moisés kuantsjexin ndo ni tsikachrjenixinna tjajna Egipto. Tsango itsjé ixra̱ ijié juincheꞌe ndo ko itsjé ngeꞌe juakoxin ndo tjajna Egipto, ko ndachaon tinꞌin Ndachaon Játse, ko no ntajie kuaji na̱ yuu kán nano.

Hechos 6:8

Ndo Esteban, ndo kuachónda juachaxin neꞌe ndo Dio, kuancheꞌe ndo itsjé ixra̱ ijié ngajin na̱.

Hechos 5:12

Tjumeꞌe sen kuincheꞌe ndo Jesús juincheꞌe sen kueya ixra̱ ijié ngajin ni ste ntiꞌa ixi juachaxien ndo Dio ko kain sen xraꞌo sen ngaxinꞌin nda̱sin ndatinꞌin Salomón.

Hechos 4:30

Ko ixi juachaxiannta sinchexrjuenꞌen sen ni niꞌe ko sincheꞌe sen ijié ixra̱ ixi nombrée chjanꞌanta, ndo tsango tjúá, ndo Jesús.

Hechos 2:19

Ko janꞌan tsjáko ixra̱ ijié tsikonni ngajní, ko kaxon ngataꞌa nunte xasintajni tsjáko kaxin ixra̱ ijié: ijni̱, xroꞌi ko iꞌnchi xranchi itjui̱ tsikon na̱.

San Juan 15:24

Jeꞌe na̱ xrochóndaꞌi na̱ ijie̱ siá xrojuintaꞌi ngeꞌe ti ninaa ngisen juincheꞌe saꞌó. Ko jai ó bikon na̱ kain ngeꞌe juintaꞌa, ko maski bikon na̱, ningakonna na̱ ko kaxon ningakonꞌen na̱ Ndotána.

San Lucas 10:18

Ko ndachro ndo Jesús: ―Jaán, janꞌan bikon xranchi xingajinxin Xixronꞌanxrée ngajní xranchi naa tóngíxin.

Mateo 27:42

―Ikaxin na̱ bingijna xi ña̱ ko jeꞌe xa juaꞌi xingajinxin xa nta̱cru. Siá jeꞌe xa Rey neꞌe ni Israel, ko siá xroxingajinxin xa nta̱cru, meꞌe tsitikaꞌonna xa.

Mateo 16:1

*Kaxin xi fariseo ko kaxin xi saduceo ikjui xa ngajin ndo Jesús ixi tjaun xa ndakoꞌa xronichja jeꞌe ndo, méxin ndachro xa ixi ndo Jesús xrojuakoxin ndo naa ixra̱ ijié, meꞌe xrokuitikaon xa ixi nduaxin jeꞌe ndo kui̱xi̱n ndo ixi juachaxien ndo Dio.

San Juan 4:49

Ko kuinóatée xi ncheꞌe xrée gobierno ko ndachro xa: ―Taka ichjina ixi chjanꞌna ó jiteꞌen xjan.